Відэа з месца здарэння на сайце "Радыё Свабода"

Самалёт Леха КАНЬЧЫНЬСКАГА Ту-154 разьбіўся на лётнішчы ў Смаленску. Часовым выканаўцам абавязкаў прэзыдэнта Польшчы прызначаны сьпікер Сэйму Браніслаў Камароўскі. “Праклятая Катынь. Ізноў нашыя лепшыя людзі гінуць там,” – кажа былы прэзыдэнт Аляксандар Квасьнеўскі.

Польская дэлегацыя мелася ўзяць удзел у жалобных ўрачыстасьцях, прысьвечаных 70-й гадавіне расстрэлаў польскіх афіцэраў у Катыні.

Як паведаміў сайту gazeta.pl прадстаўнік МЗС Польшчы Пётар Пашкоўскі, самалёт пры пасадцы зачапіўся за дрэвы. Карэспандэнт тэлеканалу TVN24, спасылаючыся на навочнага сьведку, паведамляе, што самалёт заходзіў на пасадку ў густым тумане. Сесьці не ўдалося, самалёт зноў узьняўся ў паветра і пры павароце зачапіўся за дрэвы, упаў і загарэўся.  

Wieczny odpoczynek racz Im dać Panie...

Prezydent.pl

10 kwietnia 2010 roku, w drodze na uroczystości 70. rocznicy Zbrodni Katyńskiej zginął Prezydent Rzeczypospolitej Polskiej Lech Kaczyński, Małżonka Prezydenta Maria Kaczyńska oraz członkowie polskiej delegacji i załoga samolotu. Wieczny odpoczynek racz Im dać Panie!  

Аэрадром Смаленск-паўночны на WikiMapia

http://wikimapia.org/#lat=54.8232391&lon=32.0260906&z=14&l=23&m=b 

Другі польскі самалёт удала сеў на аэрадроме ў Смаленску

МАСКВА, 10 красавіка - РІА Навіны.

У суботу на аэрадром "Смаленск-Паўночны", побач з якім патрываў крушэнне борт прэзідэнта Польшчы, павінны былі прыбыць два польскіх самалёта і адзін расійскі самалёт, заявіў журналістам першы намеснік начальніка галоўнага штаба ВПС РФ генерал-лейтэнант Аляксандр Алешын.

"Сёння на аэрадром "Смаленск" планавалася прыбыццё двух польскіх самалётаў - Як-40 і Ту-154 - і расійскага самалёта АН-76. Самалёт Як-40 шчасна вырабіў пасадку ў 09.15 мск", - сказаў Алешын.

Па яго словах, самалёт АН-76 расійскіх ВПС пры заходзе на пасадку патрапіў у складаныя метэаўмовы і сышоў на запасны аэрадром.

Ту-154 польскага прэзідэнта разбіўся пры заходзе на пасадку пад Смаленскам у 10.50 мск. Ён зваліўся ў 500 метрах ад узлётна-пасадкавай паласы. Па папярэдніх дадзеных, самалёт учапіўся за верхавіны дрэў ва ўмовах дрэннай бачнасці з-за моцнай смугі. На самалёце прэзідэнт Польшчы Лех Качыньскі, яго жонка і шэраг высокапастаўленых службоўцаў з кіраўніцтва краіны накіроўваліся ў Катынь, каб прыняць удзел у жалобных мерапрыемствах на месцы масавага пахавання ахвяр палітычных рэпрэсій.

Бортінжынэр Заўялаў: ТУ-154 — вельмі капрызная машына

Радыё Свабода

Прыкметы авіякастрофы ТУ-154 наводзяць адмыслоўцаў на думку пра памылку пілётаў, памножаную на кепскія ўмовы надвор’я і асаблівасьці канструкцыі самалёту.

Памылкай экіпажу, паводле расейскай агенцыі Інтэрфакс, патлумачылі адмыслоўцы з Смаленскага вайсковага аэрадрому «Паўночны» катастрофу ТУ-154, у выніку якой загінуў прэзыдэнт Польшчы Лех Качыньскі з жонкай і яшчэ некалькі дзесяткаў высокапастаўленых чыноўнікаў, грамадзкіх дзеячоў і ваенных Польшчы. Са спасылкай на тыя ж крыніцы паведамляецца, што , спрабуючы сесьці, самалёт ня меней за тры разы заходзіў на пасадку і ўрэшце зачапіўся за дрэвы і ўпаў. Таксама паведамляецца, што бачнасьць у момант пасадкі была 400 мэтраў, над лётнішчам стаяў туман, пра які экіпаж быў папярэджаны. Аднак польскія лётчыкі нібыта не прынялі прапанову вяртацца для пасадкі ў Менск ці ляцець далей ў Маскву і паспрабавалі ўсё ж сесьці у «Паўночным». На жаль, адбылася трагедыя.

Прычыны катастрофы вызначыць дзяржаўная камісія на чале з прэм’ерам Уладзімерам Пуціным, якую ўжо стварылі ў Расеі. А што кажуць незалежныя экспэрты?

Анатоль Заўялаў — лётчык грамадзянскай авіяцыі з 20-гадовым стажам. Лятаў бортінжынэрам на розных мадэлях савецкіх самалётаў на авіялініях былога СССР. Анатоль Заўялаў кажа, што добра ведае і аэрадром «Паўночны» пад Смаленскам. На прапанову «Свабоды» лётчык пагадзіўся пракамэнтаваць зьвесткі пра абставіны палёту і авіякатастрофы польскага ТУ-154 зь Лехам Качыньскім на борце. Найперш Анатоль Заўялаў адзначыў, што гарызантальная бачнасьць у 400 мэтраў для ТУ-154 недастатковая для гарантавана пасьпяховай пасадкі.

«Яму трэба была бачнасьць ня меней як 500 мэтраў на 50. Першы раз ён заходзіў на аўтамаце, але потым пілёт мусіць браць на сябе кіраваньне, бо сесьці самалёт на аўтапілёце ня можа. Калі ён некалькі разоў заходзіў на пасадку, значыць, спрабаваў і ня мог знайсьці паласу. Ёсьць такое паняцьце — глісада. Гэта вугал нахілу самалёту адносна зямлі. Ім трэба было ісьці па глісадзе. Камандзір, штурман і другі пілёт мусілі гэта кантраляваць, але ўпусьцілі, не заўважылі, як апусьціліся ніжэй за глісаду. Зразумела, што не даходзячы паласы яны зьнізіліся ўжо настолькі, што пачалі чапляць дрэвы. А даваць узьлётны рэжым было ўжо позна. На ТУ-154, каб рухавікі выйшлі на ўзьлётны рэжым, трэба 12 сэкундаў. Відаць, іх ужо не было».

Такім чынам Анатоль Заўялаў мяркуе, што асноўная прычына аварыі — памылка экіпажу, але ёсьць у яго прэтэнзіі і да самога самалёту ТУ-154.

«Машына даволі-такі капрызная. Зьвязана гэта з асаблівасьцямі стабілізатару.

"Шмат бывала выпадкаў, калі з-за стабілізатару самалёт падаў дакладна на паласу."

Шмат бывала выпадкаў, калі з-за стабілізатару самалёт падаў дакладна на паласу. Асабліва самалёт дрэнна сябе паводзіць пры бакавым ветры і мокрай паласе. Калі шчыра, я гэты самалёт не любіў».

Ці верагодна, што не спрацавала належным чанам дыспэтчарская служба аэрадрому «Паўночны»? Паводле Анатоля Заўялава, хутчэй за ўсё, на гэтым аэрадроме не было радыёлякацыйнага абсталяваньня першай катэгорыі ІКО, якое б адпавядала абсталяваньню прэзыдэнцкага самалёту. У такім выпадку лётчыкі мусілі садзіцца ў ручным рэжыме, што павялічвала верагоднасьць памылкі. Таксама авіятар не выключае недастатковы узровень дыспэтчара вайсковага аэрадрому, які вёў на пасадку самалёт Леха Качыньскага.

«Самы лепшы дыспэтчар — гэта грамадзянскі дыспэтчар. Бясспрэчна. А вайсковы дыспэтчар — гэта, як кажуць, „Федот да не тот“. Таму што практыка ў іх меншая, палётаў меней, а ў нас палёты штодня».

Умовы на самім аэрадроме «Паўночны» пад Смаленскам Анатоль Заўялаў, які бываў на гэтым лётнішчы, назваў нармальнымі. «Мясцовасьць там, як у нас на Магілеўшчыне — раўніна, невялікія ўзгоркі. Калі б не туманы, умовы для пасадкі выдатныя», — мяркуе Анатоль Заўялаў.

Самалёт ТУ-154 — гэта далёкамагістральны самалёт першай катэгорыі. Пачаў працаваць на авіялініях былога СССР у пачатку 1970-х гадоў, паступова ім замянялі самалёты ТУ-104. У Беларусі ТУ-154 дагэтуль працуюць, у першую чаргу на міжнародных авіялініях. Паводле дадзеных адмыслоўцаў Нацыянальнага аэрапорту «Менск», колькасьць ТУ-154 складае 10-15% авіяпарку краіны.

«Авіятары ТУ-154 недалюбліваюць. Гэты самалёт сына Тупалева, а ён ужо ня быў такім таленавітым, як бацька. Але ціснулі-ціснулі і прымусілі вырабляць гэты самалёт. Нашлёпалі яго шмат, а ў 90-х пачалі распрадаваць усім, каму заўгодна. Вось хлопцы лятаюць на ім і «гробяцца», — гэтак дадаў пра ТУ-154 авіятар Анатоль Заўялаў з Магілёву.