Реклама в Интернет     "Все Кулички"
  Мы – нацыя!
 
 
Брама сайта arrow ДЗЯРЖАВА І МЫ arrow Соцыум >> arrow ПостЧарнобыль arrow Ветка: журавы — каля Закружжа, журавіны — каля Рудні Стаўбунскай (Як на погляд ляснічага)

Ветка: журавы — каля Закружжа, журавіны — каля Рудні Стаўбунскай (Як на погляд ляснічага) Друк E-mail
02.03.2010 | 16:27 |

Экспазіцыя Веткаўскага музея народнай творчасціАмаль кожны чалавек, які пражыў у нашым цудоўным свеце сем - восем гадоў, знаходзіць адказ на загадку: "Яе ўсе топчуць, а яна ўсіх корміць." Так, гэта зямля, якую часта параўноўваюць з маці - настолькі вялікія яе любоў і цярпенне да чалавека.

Некалі, у 17 стагоддзі, стараабрадцы адкрылі для сябе веткаўскую зямлю - у тым ліку веткаўскія лясы, багатыя на дзічыну, на лясныя борці для пчол, грыбы, ягады, на іншыя падарункі. У "Летапісе Веткаўскай царквы" гэта зямля была названа "зверопаственной». Штораз, праводзячы экскурсіі ў Веткаўскім музеі народнай творчасці, я ўзгадваю гэтае слова.

У нашым музеі на працягу амаль 20 гадоў адбываецца творчае навучанне дзяцей па праграме "Аз, букі, ведзі - глаголь дабро!" - Школы старажытнай і сучаснай народнай культуры (па матэрыялах мясцовых традыцый). Праграма (а ў ёй - 36 асобных тэм для рознага ўзросту) распрацавана як вопыт практычнага прымянення навуковых доследаў супрацоўнікаў музея. Вучні СШ № 1 горада Веткі, Веткаўскай гімназіі, а таксама самыя дапытлівыя асобы - дзеці, якія наведваюць веткаўскія дзіцячыя сады, падчас музейных заняткаў знаёмяцца з тэкстамі традыцыйнай культуры - мясцовымі казкамі, загадкамі, легендамі, песнямі, ўяўленнямі продкаў аб розных з'явах жыцця, народнай традыцыйнай культуры. Ды з некаторага часу пачалі адчувацца "белыя плямы" у дыялогу "чалавек - лес, навакольнае асяроддзе". Многія веткаўцы і жыхары вёсак раёна толькі ўспамінаюць аб сваіх ранейшых падарожжах ва ўрочышчы, лясныя нетры, бо пасля выбуху на ЧАЭС знаёмства з лясным светам прыпыніліся. Лес мы бачым толькі здалёк, ці едучы праз яго па цэнтральных дарогах.

Між іншым, у беларускай культуры лес бачыцца яшчэ і як духоўная субстанцыя. Праз нашыя сэрцы пралятаюць казачныя чарадзейныя птушкі, праплываюць дзівосныя рыбы. "Чахонь", "лебядзіныя сцежкі", "вароннія вочкі, "рачыкі", "воўчае вока", "вядзьмедзь", "гусіныя лапкі", "вуткі","мышыныя сцежкі" ды многія-многія іншыя птушыныя, раслінныя, жывёльныя назвы давалі сваім узорам жанчыны, калі ткалі рушнік, скацерку, ці аздаблялі святочную кашулю. Паэт Анатоль Сыс у вершы "Пан Лес" параўноўваў лес з храмам. Лес лечыць людзей і выратоўвае:

..."бо Лес - гэта больш чым лес.
Вам ранілі гострым сэрца,
крывавіць, баліць парэз,
і хочацца толькі смерці,

стрывайце, знайдзіце моц
дайсці, дапаўзці да Лесу,
ён з боскай крыві прарос
пакутнікам правіць месу,

ён спыніць жывіцай кроў -
такога не змогуць людзі,
і, быццам прадвесні гром,
у Вас н е м а ў л я разбудзіць.

Жыццё і тым болей смерць
загубяць свой сэнс цялесны -
Пан Лес не дазволіць мець
пачуццяў, што шкодзяць Лесу,

бо нельга паганіць храм,
бо нельга святое нішчыць,
куды ж тагды прыйдзе Хам,
ад хамства душу ачысціць?

 

Каб пашырыць веды аб прыроднай адметнасці Веткаўскага раёна, я звярнулася з некаторымі пытаннямі да А.М. Скурлова, галоўнага ляснічага Веткаўскага лясгасу, падчас прамой тэлефоннай лініі, наладжанай "Голасам Веткаўшчыны".

- Аляксандр Мікалаевіч, якія птушкі з тых, што занесены ў Чырвоную кнігу, жывуць у нашых лясах? Ці павялічылася іх колькасць? Што ўяўляе сабой сёння флора і фауна Веткаўскага раёна?

- Я хацеў бы вам сказаць, што ў нас рэзка ўзраслі папуляцыі цецерукоў. Цецярук - далёка не рэдкая птушка для Беларусі, але раней у нас яе не было. Гістарычна склалася: калісьці ў Ветцы былі калоніі шэрай чаплі і белай чаплі.

На сённяшні дзень гняздуецца белая чапля вялікая, а шэрая чапля гняздуецца пастаянна, асабліва ў мясцінах Ухова, Смедзіна. Там цэлыя калоніі гэтых птушак. Шкада, з'явіўся баклан, птушка, якая, я сказаў бы, шкодная, таму што яна харчуецца рыбай. Паляўнічыя гэта разумеюць. Асабліва яна непажаданая для рыбалоўчых гаспадарак... Гняздуюцца дужа прыгожыя птушкі нашай фауны, часам дастаткова рэдкія. Сава-сплюшка - гэта звычайны від. Яна заўсёды сялілася і селіцца паўсюль па пойме. Вельмі прыемна бачыць, напрыклад, тое, што ў нас ёсць 5 гняздовішчаў арлана-белахвоста. Гэта самая буйная птушка з арлоў, якія селяцца на еўрапейскіх і не толькі ў еўрапейскіх абшарах. У вялікай колькасці з'явіўся на пералёце журавель. Літаральна тысячныя чароды каля Закружжа кучкуюцца перад адлётам. Вельмі прыемна глядзець на скапу, якая пастаянна гняздуецца ў раёне Амяльнога. Гэта драпежная птушка.

- А зімародкі ёсць?

- Іх некалькі відаў. Шызы зімародак як быў, так і застаўся сапраўдным упрыгожваннем ракі, які - уявіце - сядзіць на сучку з такім прыгожым яркім апярэннем і чакае свайго себеля, каб кінуцца за ім. Зімародкаў многа. Два віды селяцца ў нас.

Ці ёсць на азёрах, рэках вадзяны арэх? Яго называюць яшчэ чылімам, рагульнікам. Той від, што расце ў Беларусі, занесены ў Чырвоную кнігу.

Безумоўна, на ўсіх поймах ёсць вадзяны арэх. Расце практычна па ўсёй пойме, пачынаючы ад нашай Арэхаўкі і заканчваючы межамі раёна. На ўсёй лясной пойме ёсць белая лілея і жоўты гарлачык. Вось, у прынцыпе, мы не бедныя на флору і фауну. Усё, што прысутнічае ў Еўропе - гэта ёсць і ў нас. Зрэдку гняздуецца дрофа. Вось, дарэчы, у мінулым годзе былі знойдзены гнёзды дрофы ў Добрушскім, Чачэрскім раёнах.

- Кажуць, гэта птушка не ўмее лятаць. Ці праўда гэта?

Лятаць умее, але ў яе хутка мокне пяро. Ну вось, я б сказаў, у нас ёсць такія запаведныя лясы, звярам і птушкам там раздолле. Здараецца, на вялікі жаль, у нас гінуць лясныя жывёлы. Вось, напрыклад, у гэтым годзе тры ласі праваліліся - ласіха і два ласёнкі такія невялікія, гадавалыя. Яны праваліліся ў тарфяныя шурфы. І нам давялося дапамагаць гэтым ласям. Шкада, адзін гадавалы ласёнак усё ж загінуў. Да нас часта заходзіць лань з Украіны. Яна крыху падобная на аленя.

Ёсць у нас старыя журавіннікі, налічваецца іх каля дванаццаці. Пра іх існаванне ўсе ўжо і забыліся.Там столькі журавін, я вам скажу! І галубікі нашай, дурніц - па-беларуску, - іх вельмі многа.

- Дык на тых жа журавінніках узровень радыяцыі, напэўна, вялікі?

- Мы правяралі, узровень - ніжэй нормы. Можна збіраць. Гэта ў раёне Рудні-Стаўбунскай. Прыгожыя сфагнавыя балоты. Незвычайна прыгожыя.

- Цікава, ці падлічваў хто: колькі ў веткаўскіх лясах ласёў, дзікіх кабаноў? Ці водзяцца ў нас мядзьведзі, рысі? Даўней яны былі. У мінулым годзе людзі бачылі мядзьведзя ў лясным гушчары каля Навілаўкі. Што расказваюць паляўнічыя?

- Я хачу сказаць, што мядзьведзяў у нас няма на пастаянным пражыванні, будзем казаць так. Але, пасля таго, як у нас стала зона, з'явілася вялікая колькасць ласёў, дзікіх кабаноў, казуляў вельмі многа. Пяць гадоў назад прыйшла і пастаянна селіцца рысь. Яна ўжо не рэдкая. Практычна ўсе работнікі лясной гаспадаркі бачылі гэтую прыгажуню.

- Дзе бачылі?

- Паўсюль. Каля пасёлка Бесядзь, напрыклад, я сам бачыў, у пяці метрах, прама на мосце бесядскім. Ехаў позна, з пажару, гляджу - нешта ідзе незразумелае. Але, калі развярнулася, бачу, што гэта - рысь. Бачыў яе ў святле фараў, у пяці метрах. Такі вось агромністы кот...

- Дарэчы, у Веткаўскім музеі ёсць лунніцы - скроневыя жаночыя ўпрыгожванні. Іх насілі ў 8-9 стагоддзях жанчыны-радзімічанкі, якія жылі на нашай тэрыторыі. На лунніцы сем невялікіх промняў, якія заканчваюцца кісткамі. Падобныя кісткі ёсць на кончыку вуха рысі. На думку вучоных, рысь, верагодна, была адной з татэмных жывёл у радзімічаў. Яе нельга было забіваць. Гэта пры тым, што рысь небяспечная для чалавека, хоць, як вядома, палюе яна ў асноўным на зайцоў.

Гадоў дзесяць назад я ездзіла на лыжах ў лес. Цяпер жа неяк боязна хадзіць туды, бо людзі расказваюць аб частых сустрэчах з ваўкамі. Ці ёсць такая небяспека?

- Я думаю, што не ўсё так страшна. Справа ў тым, што ў ваўкоў цяпер, зімой, як і ва ўсіх сабаччых, гон. Зусім нядаўна нашы работнікі, калі ехалі брыгадай, сустрэлі зграю з дзесяці ваўкоў літаральна недалёка ад Веткі, каля Барталамееўкі. Але яны не ўяўляюць небяспекі. Па-першае, воўк у зімовы час, не ў летні, не выходзіць сюды, да населеных пунктаў, да фермаў. І, на шчасце людзей, у зоне, у мясцовасці ад Бесядзі да Ухова, іх практычна няма. Таму небяспекі з боку гэтага звера для людзей няма. Калі вы ездзіце па дарогах, можаце пераканацца, што з'явілася вельмі многа ліс. Вось мы налічваем да 15 ліс у мясцовасці ад Навасёлак да Барчанкоў. У гэтых палях стаяць перад Радугай па дзве-тры. 15 ліс налічылі літаральна тры дні назад - аж не выходзячы з машыны. І гэта не толькі ў нас. Нават калі едзеш на Гомель, праз Лапаціна, каля населеных пунктаў. Моцныя марозы прыціснулі жывёл, і, акрамя таго, у іх цяпер перыяд фізіялагічнага гона.

- Ці можна збіраць грыбы і ягады ў веткаўскіх лясах, бо, наколькі мне вядома, "чыстыя" ад радыяцыі грыбы і ягады растуць толькі ў двух лясных кварталах. Дзе знаходзяцца гэтыя кварталы?

- У прынцыпе, збіраць грыбы і ягады можна не ў двух кварталах. Іх намнога болей. Цяпер, па тэлефоне, не магу Вам сказаць аб колькасці лясных кварталаў, прыдатных для збору грыбоў і ягад, але з'арыентаваць па населеных пунктах - з'арыентую поўнасцю. Уся тэрыторыя ад Стаўбуна да мяжы з Расіяй, за выключэннем 43 квартала, чыстая, да 2-ух Кюры. Тут можна збіраць грыбы і ягады. Там няма аніякіх знакаў радыяцыйнай небяспекі. Калі з'арыентавацца па дарозе на Малыя Нямкі, то гэта - левастаронняя мясцовасць - к Бесядзі (вёска Зацішша). Там таксама можна збіраць грыбы і ягады. Каля Веткі, шкада, вядома, грыбы і ягады збіраць нідзе няможна, за выключэннем Зялёнай Хвоі. Гэта - дзялянка лесу, дзе расце беразняк, і яшчэ - Аднаполле. Каля Веткі ж, зноў паўтараю, усё бруднае. Нават тыя кварталы, якія "праходзяць" па радыяцыйным забруджванні, як правіла, брудныя, таму што і пажары тут здараліся. За Барталамееўкай, увогуле, усё бруднае, там звыш 15 Кюры на 1 км 2.

- Глядзела нядаўна па тэлебачанні перадачу.Такая вось з'ява: паляўнічы з Германіі прыязджае ў Беларусь, палюе на дзікага кабана на Магілёўшчыне, укладвае ў мясцовы бюджэт 2 млн. руб. за адно паляванне. Еўрапейцы нярэдка ездзяць паляваць аж у Афрыку, таму што ў некаторых еўрапейскіх краінах, Галандыі, напрыклад, паляванне на дзікіх жывёл увогуле забаронена. Больш 1,2 тыс. замежнікаў прыязджалі на паляванне ў Беларусь у 2009 г. Ці ёсць магчымасць стварыць у нашым раёне падобныя экзатычныя, магчыма, экстрэмальныя умовы для падобнага палявання? Што Вы можаце сказаць на гэты конт? А дзікоў - не толькі ў Веткаўскім, Чачэрскім раёнах, але і ў іншых раёнах Гомельшчыны - у апошнія гады стала аж занадта. Іншы раз нават боязна ісці паўз лес, асабліва калі побач - кукурузнае поле.

- Дзякуй за пытанне. Я вельмі станоўча гляджу на паляванне. Справа ў тым, што літаральна год назад у раёне перастала існаваць лесапаляўнічая гаспадарка. Дарэчы, я сам глядзеў гэтую перадачу, пра тое, як немцы палявалі на дзікага кабана.У нас у раёне можна весці адстрэл кабана, але нам давялося зачыніць лесапаляўнічую гаспадарку па незразумелых, я б сказаў, прычынах. Калі выйшаў 580-ы Загад Прэзідэнта і ўзгадненне арэнды паляўнічых зямель даручылі Дэпартаменту пры Міністэрстве надзвычайных сітуацый, былому Камітэту па Чарнобылю, нам адмовілі ў вядзенні гаспадаркі, спасылаючыся на тое, што, цытую: "прадукцыя палявання, як правіла, забруджаная", хаця ў "Правілах вядзення лясной паляўнічай гаспадаркі", якія на сённяшні дзень дзейнічаюць, можна весці паляўнічую гаспадарку на тэрыторыях, на якіх - да 15 кюры на км кв. Такой тэрыторыі ў нас дастаткова. І вось сёння, я ведаю, што ў Адміністрацыю зон адчуджэння ўжо прыйшлі змены пашпартнага рэжыму на тэрыторыях.У прыватнасці, правабярэжжа Сожа нашага, ад Хальча да Буда-Кашалёўскага раёна, поўнасцю будзе адкрыта для наведвання. У бліжэйшы час звесткі аб гэтым з'явяцца ў прэсе, таму што мы ўжо ўзгаднілі карты. Будзе зняты пашпартны прапускны рэжым. Гэта азначае: будзе знятая забарона лавіць рыбу, увогуле, знаходзіцца. Будзе знята частка абмежаванняў каля в. Глыбаўка. Туды таксама ў свой час нельга было праехаць і лавіць рыбу. Цяпер гэта ўжо будзе можна. Калі арыентуецеся, то да палавіны плёсу. Каля в. Казацкія Балсуны ёсць невялікія дзялянкі лесу, там таксама будуць зняты абмежаванні, і яшчэ - каля Старога Закружжа. Звесткі аб гэтым будуць у бліжэйшы час у друку, пасля прыняцця адпаведнага рашэння выканкама. Загад Дэпартамента па ліквідацыі вынікаў катастрофы на Чарнобыльскай АЭС аб зняцці пашпартнага рэжыму ўжо прыйшоў. (Гл.: "Радиация отступает". Владимир Тейкин, "Голас Веткаўшчыны", 6 лютага 2010 г. - Л.Раманава). Таму, што датычыцца вось гэтых аграпаляўнічых дач, будзем іх так называць, мы пачалі гэту праблему вырашаць.У вёсцы Глыбаўка ў нас быў паляўнічы домік. Ён і цяпер ёсць, але знаходзіцца на дастаткова нізкім узроўні - з таго часу, як зачынілі лесапаляўнічую гаспадарку. Цяпер праблема ставіцца ўжо па-іншаму. Раней, літаральна два гады назад, нельга было дапускаць людзей на тыя тэрыторыі, дзе можна было паляваць. Цяпер пытанне ставіцца аб тым, каб з гэтых тэрыторый быў хоць нейкі спажытак, як і Прэзідэнт наш сказаў: "... рэабілітавацца мы ўжо закончылі, давайце ўзнаўляцца." Тым болей, людзі пастаянна прыязджаюць да нас на рыбалку. Я думаю, што гэты час не за гарамі.

- Аляксандр Мікалаевіч, ці не спрабавалі Вы прымаць удзел у вышуку і распрацоўцы гранта, ажыццяўленне якога магчыма пры дапамозе ПРАААН у Веткаўскім раёне?

- Справа ў тым, што якраз мы і працуем па гэтым гранце. Я літаральна пяць дзён назад прыехаў з Мінска, быў у Дэпартаменце па гуманітарнай дапамозе пры Упраўленні справамі Прэзідэнта. Мы падпісвалі дакументы, і ўжо атрымалі першы транш па гранту. Мы працуем праз сельскі выканаўчы камітэт. Відаць, Вы знаёмыя з гэтай праграмай, то ведаеце, што сродкі выдзяляюцца або праз грамадскую арганізацыю, або праз сельскі выканаўчы камітэт. Мы сумесна з Віктарам Іванавічам Сімчанковым звярнуліся праз Хальчанскі сельскі Савет. Віктар Васільевіч Буракоў таксама ў гэтым прымаў актыўны ўдзел. Выдзелена 50 тысяч даляраў на ліквідацыю гарэльнікаў у Тумарыне, драўніна якога не падыходзіць пад рэалізацыю - яна ўся брудная. Там, у прынцыпе, да 5 кюры на км. кв. Але, калі прайшоў пажар, увесь пыл пасля яго сеў на апошні квартал. Атрымалася другаснае забруджванне драўніны. Сіламі нашага ПМС драўніна гэтая будзе пахавана прама на месцы. І там зноў мы закладзем новыя ліставыя лясы.Таму па грантах мы працуем актыўна, супрацоўнічаем з Аляксандрам Васільевічам Леўчанка, ён - нацыянальны каардынатар, удзельнічае ў распрацоўцы грантаў ад ПРАААН. Мы часта з ім сустракаемся.Чым могуць - дапамагаюць. На вялікі жаль, дапамогу можна атрымаць толькі адзін раз у год.

- Дзякуй Вам за размову.

Адкрыць па-новаму веткаўскую зямлю спрабавала Ларыса Раманава, пісьменніца
Старонкі гутаркі друкаваліся ў раённай газеце "Голас Веткаўшчыны"
 
« Папяр.   Наст. »
БелСаЭс «Чарнобыль»

КОЛЬКІ СЛОЎ НА БРАМЕ САЙТА :

Народ і нацыя: Колькі слоў на Браме сайта
|


Шаноўныя, перад вамі спроба адкрытай і шчырай размовы пра найбольш важнае і надзённае, што даўно паўстала і востра стаіць перад нашым народам, цяпер — асабліва, — ратаваць сябе ў супольнасці, у суладдзі, берагчы і развіваць творчы дух народа і нацыі. Я ведаю, што гэтыя словы і тое, што за імі стаіць, дойдзе далёка не да кожнага розуму,...
Інстытут Нацыянальнай Памяці (ІНП)
|


Памяць народа – перадумова для далейшага яго развіцця ў грамадзянскай супольнасці і выканання ім ролі крыніцы ўлады і крыніцы дзяржаўнасці. Інстытут Нацыянальнай Памяці (ІНП) ёсць грамадзянская ініцыятыва па выяўленні і раскрыцці найвыдатнейшых старонак беларускай гісторыі, абароне этнакультурных каштоўнасцей і выкрыцці злачынстваў супраць свайго народа, калі б яны ні былі ўчыненыя. Ніжэй прыводзяцца і іншыя вытрымкі з палажэння Аргкамітэта...
Joomla! Ukraine

НАВЕЙШЫЯ ПУБЛІКАЦЫІ :

Хатынь спаліў… былы савецкі афіцэр
Погляд | Гістарычны матыў


21 сакавіка 1943 году на шашы Лагойск-Плешчаніцы партызаны абстралялі нямецкую калону. Адным з забітых быў капітан Ганс Вёльке чэмпіён Берлінскай Алімпіяды 1936 году, якому сімпатызаваў Гітлер.У адказ на наступны...
Выстава фоторабот «На мяжы тысячячагоддзя»
Брама сайта | Галоўнае


4-27.09.2018 г. у фотогалерэі кінатэатра "Цэнтральны" (горад Мінск) адбудзецца выстава фотаработ. Уваход вольны.    ...
ОБ ИСТОКАХ И ВРЕМЕНИ ФОРМИРОВАНИЯ БЕЛОРУССКОГО ЭТНОСА
Погляд | Даследаванні


Анатоль Астапенка В статье подвергается критике концепция «древнерусской народности». Наиболее приемлемой, исторически оправданной мыслью об этногенезе белорусов, является концепция балтского происхождения. Предлогается новая парадигма, согласно которой белорусский этнос имеет тысячелетнюю...
З высокім Сьвятам!
Брама сайта | Галоўнае


Сяргей Панізьнік. "Сьцяг"      Сьветлым полем я нясу агнявую паласу: як маланка, нада мной зіхаціць над галавой                    Сьцяг мой вольны,                    Сьцяг мой сьмелы,                    Сьцяг мой...
Не забаўка і не нажыва
Погляд | Асоба


Яўген Гучок, паэт, публіцыст Ужо 60-т гадоў стала і плённа працуе на ніве беларускага прыгожага пісьменства празаік і публіцыст, інтэлектуал Эрнэст Ялугін. Нарадзіўся ён у 1956 г. на станцыі Асінаўка...
Стваральнік жывых твораў
Погляд | Асоба


Яўген Гучок, паэт, публіцыст Сёлета (19.11.2016 г.) выдатнаму майстру беларускага слова, гарачаму патрыёту Беларусі, пісьменніку, сябру Саюза беларускіх пісьменнікаў Эрнесту Васільевічу Ялугіну спаўняецца 80 гадоў. Яго творчы, як і жыццёвы, шлях не...
"Вялікае сэрца" (прысвечана В.Якавенку)
Погляд | Асоба


Яўген Гучок    2 сакавіка 2018 года споўнілася сорак дзён, як пайшоў у іншы свет (няма сумневу, што ў лепшы - у нябесную Беларусь) публіцыст, пісьменнік, грамадскі дзеяч Васіль Цімафеевіч...
Васіль Якавенка пасьпеў паставіць свой асабісты подпіс пад пэтыцыяй за гавязьнянку
Погляд | Асоба


Валер Дранчук. Слова на разьвітанне Апошні час мы стасаваліся мала. Сустракаліся выпадкова і амаль не тэлефанавалі адзін аднаму. Раней інакш. Наступальна актыўны Васіль Цімафеевіч сыпаў прапановамі, даволі часта запрашаў да сумеснай...
Увечары 22 студзеня 2018 года памёр Васіль Якавенка
Погляд | Асоба


Разьвітаньне адбудзецца 24 студзеня у рытуальнай зале мінскай Бальніцы хуткай дапамогі (Кіжаватава, 58б)  з 14:00 да 15:00. Пахаваны пісьменьнік будзе на Заходніх могілках.  ...
Выйшаў з друку новы раман вядомага пісьменніка і публіцыста В. Якавенкі «Абярэг»
КНІГІ | Навінкі


Ён прысвечаны навейшай гісторыі Рэспублікі Беларусь і асвятляе надзённыя пытанні культуры і нацыянальнага жыцця. У аснову твора пакладзены гісторыі, нявыдуманыя і пераасэнсаваныя аўтарам, падзеі і з’явы апошніх гадоў. Персанажы...
2018
Брама сайта | Галоўнае


...
Васіль Якавенка. «Пакутны век». 2-е выданне.
КНІГІ | Нятленнае


Якавенка, В. Ц. Пакутны век : трылогія / Васіль Якавенка; 2-е выд., дапрац. - Мінск : Выд. ГА «БелСаЭС «Чарнобыль», 2009.- 896 с. ISBN 978-985-6010-30-2. Падобнага твора ў беларускай...
Матей Радзивилл: «Беларусь – очень близкая для меня страна»
Погляд | Гістарычны матыў


Об истории и современности знаменитого польско-белорусского дворянского рода Радзивиллов «Историческая правда» беседует с князем Матеем Радзивиллом. - Пан Матей, расскажите, пожалуйста, к какой ветви Радзивиллов Вы относитесь? - Все, ныне...
Сяргей Панізьнік. Палуба Калюмба
ТВОРЫ | Пісьменнік і час


  Згодна з легендай, якая ходзіць за акіянам, амерыканскі кантынент адкрыў 500 гадоў таму мораплавацель -- нехта народжаны на нашай зямлі у дзяржаве Вялікім Княстве Літоўскім. Наш зямляк, паэт Янка...
Васіль Якавенка: "Пакутны век". Да 10-годдзя выдання
КНІГІ | Нятленнае


Фільм, зняты Уладзімірам Каравацк ім ў 2007 годзе, аб чытацкай канферэнцыі ў Мінску па кнізе-трылогіі беларускага пісьменніка Васіля Якавенкі "Пакутны век", упершыню апублікаванай у 2006-м годзе. Мантаж відэа ў 2017...
Васіль Якавенка: Б’е набатам інерцыя чарнобыльскай безадказнасці!
ДЗЯРЖАВА І МЫ | ПостЧарнобыль


Ён заўжды быў і застаецца чарнобыльцам – ад пачатку нараджэння Зоны. Дзе ў зоне ж адчужэння апынуліся яго родныя Васілевічы. Пасля былі шматлікія падарожжы па забруджаных радыяцыяй раёнах. У 1991-96...
“Крывіцкія руны - ІІ”
КНІГІ | Нятленнае


Крывіцкія руны : вып. ІІ, беларускі культурны мацярык у Латвіі. / уклад., прадм., камент. М. Казлоўскага, С. Панізьніка. - Мінск : Кнігазбор, 2017. - 452 с. ISBN 978-985-7180-05-9. У том выбраных твораў «Крывіцкія...
Глядзець вачыма будучыні
ТВОРЫ | Пісьменнік і час


Шмат гадоў назад у газеце "Голас Радзімы" (№ 50-52, 30 снежня 2004 года) была апублікавана гутарка сябра ГА "МАБ" Веранікі Панізьнік з прафесарам факультэта германістыкі і славістыкі ва ўніверсітэце канадскага горада...
БелАЭС: чаго баіцца МАГАТЭ?
ДЗЯРЖАВА І МЫ | Беларуская АЭС


Астравецкая АЭС цалкам адпавядае стандартам МАГАТЭ, сцвярджае афіцыйны Менск. Са справаздачаў экспертных місіяў гэтай арганізацыі ў Беларусь, аднак, вынікае іншае. На думку агенцтва, Дзяржатамнагляд Беларусі - няздольны забяспечыць бяспеку...
Ярослав Романчук: Беларусь медленно, но верно избавляется от нефтяного проклятья
ДЗЯРЖАВА І МЫ | Экалогія


Конфликт с Россией вокруг цены на энергоресурсы избавит Беларусь от нефтяного проклятья и, если не помешает АЭС, вынудит инвестировать в зеленую экономику и в развитие возобновляемых источников энергии. Как заявил...
Joomla! Ukraine

Новыя каментары :

КОЛЬКАСЦЬ ПРАЧЫТАНЫХ СТАРОНАК 
з 1 снежня 2009 года

КОЛЬКАСЦЬ НАВЕДВАЛЬНІКАЎ САЙТА 
mod_vvisit_counter Сёння 514
mod_vvisit_counter Учора 1157
mod_vvisit_counter На гэтым тыдні 5744
mod_vvisit_counter У гэтым месяцы 49417