Реклама в Интернет     "Все Кулички"
  Мы – нацыя!
 
 
Брама сайта arrow ДЗЯРЖАВА І МЫ arrow Соцыум >> arrow Краіна бязважкіх слоў

Краіна бязважкіх слоў Друк E-mail
05.10.2016 | 16:08 |
Дзмітрый Шулюк, нам. галоўнага рэдактара часопіса “Маладосць”Дзмітрый Шулюк, нам. галоўнага рэдактара часопіса "Маладосць"

Скарбніца беларускага фальклору багатая на прыказкі і прымаўкі. На трапныя выразы, якія так дасканала абмалююць любую з'яву. "Конь вырвецца - здагоніш, а слова вырвецца - не зловіш". "Сліны не падымеш, а слова не вернеш". "Куляй патрапіш у аднаго, а трапным словам - у тысячу". "Сказаў, як гваздом прыбіў". "Словы - гужы, за сэрца цягнуць". "Слова даражэй за золата". Толькі, здаецца, "прагніла штосьці ў Дацкай дзяржаве". Здаецца, гэта гісторыя народнай мудрасці - толькі гісторыя. Здаецца, тыя беларусы, якія так цанілі слова, даўно вымерлі, а замест іх, скраўшы гэтае імя, жывуць зусім іншыя істоты.

2016 год аб'яўлены ў Беларусі Годам культуры. Што ж адчулі жыхары рэспублікі, калі пачулі гэта ўпершыню. Напэўна, у большасці, ціхі голас далёка ўсярэдзіне: "Цікава, што яны зробяць?" "Яны" - гэта тыя, хто адносіцца да культуры. Бо не кожнаму вядома, што да культуры адносіцца ўсё і ўсе.

"2016 год аб'яўлены годам культуры. Выклікана гэта тым, што культура, у шырокім сэнсе слова, павінна выконваць больш актыўную ролю ў згуртаванні народа вакол стваральных мэт, высокіх маральных прынцыпаў і нашых добрых традыцый, у неперарыўным глыбокім працэсе фарміравання працалюбівай, адукаванай, духоўна багатай нацыі!"

Гэта словы нашага прэзідэнта Аляксандра Рыгоравіча Лукашэнка. Словы таго, хто мае права гаварыць за народ, і мае абавязак гаварыць за народ. А той самы народ нават не слухае. Няма яму справы, што там кажуць ад яго імя. Няма справы да высокіх мараляў і актыўных роляў. Народ схаваўся, забіўся па вуглах і шчылінах і без цікавасці назірае за жыццём краіны. За жыццём, якое павінен ствараць.

"Упэўнены, беларусы пераадолеюць і цяперашнія, цалкам часовыя цяжкасці. Мы абавязкова выйдем на новы, больш высокі ўзровень эканомікі і якасці жыцця. Таму што валодаем звышкаштоўным здабыткам - слаўнай гісторыяй мужнасці і стойкасці, адзінствам народу, пачуццём асабістага гонару, вялізным жаданнем разам зрабіць сваю Радзіму моцнай і квітнеючай".

Таксама словы прэзідэнта. Колькі ў іх упэўненнасці, веры ў свой народ. Ды хіба, гэты народ слухае тыя словы? Слухае, а не чуе.

Доўгі час беларусы змагаліся за сваё самавызначэнне, за незалежнасць. Ішлі на смерць і заставаліся жывымі ў вечнасці. Ішлі не ўсе. Але тады было апраўданне: страх. Можна было сказаць, што хтосьці спалохаўся за сям'ю, за дзяцей. Зараз не трэба ісці на смерць. Зараз няма чаго баяцца. Чаму тады амаль тыя ж людзі, сядзяць пахаваўшыся па вуглах і шчылінах? Можа яны і тады не баяліся? Можа ў іх зусім іншая прычына? Адна прычына для ўсяго жыцця: лянота. Лянота захапіла ў палон нашчадкаў Скарыны, Касцюшкі, Купалы. Гэтыя "беларусы па пашпарту" і пальцам не паварушаць без загаду ад асабістага страўніка.

Я прывяду толькі адзін прыклад. Іх шмат, вы самі ведаеце, але я прывяду адзін.

Кожны год у нашай краіне адзначаецца Дзень пісьменства. Кожны год - гэта новы горад, са сваёй літаратурнай гісторыяй. У 2016 годзе свята прыняў Рагачоў. Для большасці Рагачоў вядомы не літаратурнай спадчынай, а згушчаным малаком. Здаецца ніякай сувязі паміж з'явамі, ды вось у нашым беларускім гімне ёсць радкі:

"Шчыра сябруем, сілы гартуем
Мы ў працавітай, вольнай сям'і"

Складана не заўважыць тут словы "шчыра" і "сям'я"? На жаль, не складана. Асабліва, калі чытаць гэтыя словы не "шчыра" і не бачыць свой народ як "сям'ю".

Легендарны беларускі часопіс "Бярозка" першага чэрвеня звярнуўся да Рагачоўскага малочна-кансервавага камбінату з прапановай.

"У сувязі з правядзеннем 3-4 верасня ў Рагачове Свята Беларускага пісьменства просім Вас разглядзець прапанову рэдакцыі легендарнага (выдаецца з 1924 года) часопіса для дзяцей сярэдняга  і старэйшага школьнага ўзросту "Бярозка" пра размяшчэнне на яго старонках рэпартажа ў форме экскурсіі нашых карэспандэнтаў на ваша прадпрыемства. Нумар з рэпартажам можа выйсці ў свет у канцы жніўня і з'явіцца ў продажы акурат да свята ў вашым горадзе. Для юных беларускамоўных чытачоў па ўсёй краіне гэта будзе прывітаннем з горада, дзе сёлета ладзіцца знакавае для іх свята.

Просім Вас у выпадку згоды разглядзець таксама магчымасць выкупіць пэўную колькасць тыражу часопіса з рэпартажам для выкарыстання ў якасці падарункаў дзецям супрацоўнікаў прадпрыемства (гэта можа быць, напрыклад, падарунак да 1 верасня і Свята Беларускага пісьменства адначасова). Кошт аднаго экземпляра часопіса - 18 000 рублёў".

Як жа адрэгавалі прадстаўнікі Рагачоўскага камбінату? Ніяк. Галоўны рэдактар "Бярозкі" патэлефанавала ім, і пачула ў адказ, што гэта прапанова іх не зацікавіла. Тлумачу: іх, як прадстаўнікоў беларускага прадпрыемства, як жыхароў Рагачова, як грамадзян Рэспублікі Беларусь, не зацікавіла гэта прапанова. Прапанова стаць часткай Году культуры ў сваёй краіне, стаць часткай Дня пісьменства ў сваім горадзе, ды проста, парадаваць сваіх дзяцей, стаць прыкладам для іх. Прыкладам актыўнага чалавека, патрыёта. Прыкладам таго, што "шчыра" і "сям'я" ў беларускім гімне не проста словы.

Мы жывём у краіне бязважкіх слоў, картонных традыцый і касметычных звычаяў. У краіне, дзе за сімфанічным аркестрам страўніка,  кашалька і тэлевізара, ледзь гучна заціхае мелодыя сэрца. У краіне, дзе на вечнае пытанне Каліноўскага "каго любіш?", існуе толькі адзін адказ "сябе".

2016 год - год культуры ў Беларусі.

"Калісьці ў нас існаваў добры выраз: "Да штыка прыраўняць пяро!" І, між іншым, усе кіраўнікі буйнейшых сродкаў масавай інфармацыі, як у нас прынята сёння казаць - медыахолдынгаў, гэты штык насілі пры сабе. Але ці то штык затупіўся, ці то пяро згубілі?..

...Вось гэтую баявітасць, уменне актыўна і прафесійна весці дыскусію адстойваць канструктыўную пазіцыю сёння як ніколі важна ўзяць ва ўзбраенне нашым газетам, часопісам, тэлеканалам і радыёперадачам не толькі рэспубліканскага ўзроўню, але і рэгіянальнага" (з звароту са штогадовага Паслання да беларускага народу і нацыянальнага сходу А.Р. Лукашэнка ад 21 красавіка 2016 года)

Спадзяюся, што мой штык яшчэ не затупіўся. І слова маё патрапіць не ў аднаго, а ў тысячу, ці ў тысячу тысяч.

 
« Папяр.   Наст. »
БелСаЭс «Чарнобыль»

НАВЕЙШЫЯ ПУБЛІКАЦЫІ :

Marsz Dla Ciebie Polsko / Marsz NiepodlegBo[ci 2018 [NA {YWO]
Брама сайта | Галоўная старонка


O 15:00 na Rondzie Dmowskiego zaplanowano początek Biało-Czerwonego Marszu 100-lecia Odzyskania Niepodległości "Dla Ciebie Polsko", który otworzy Andrzej Duda. "Zaproszeni są wszyscy. Przyjdźmy tylko z biało-czerwonymi flagami. Bądźmy razem....
Хатынь спаліў… былы савецкі афіцэр
Погляд | Гістарычны матыў


21 сакавіка 1943 году на шашы Лагойск-Плешчаніцы партызаны абстралялі нямецкую калону. Адным з забітых быў капітан Ганс Вёльке чэмпіён Берлінскай Алімпіяды 1936 году, якому сімпатызаваў Гітлер.У адказ на наступны...
ПАКУТНЫ ВЕК
ТВОРЫ | Пісьменнік і час


Падобнага твора ў беларускай літаратуры яшчэ не было. З трылогіі «Пакутны век», а гэта кнігі «Кабала», «Надлом» і «Гульня на згубу», паўстаюць каларытныя і яркія вобразы ліцвінаў-беларусаў. Твор прысвечаны...
Выставка фоторабот «На рубеже тысячелетия»
Брама сайта | Колькі слоў на Браме сайта


4-27.09.2018 в фотогалерее кннотеатра "Центральный" (город Минск, Республика Беларусь). Вход свободный.      ...
ОБ ИСТОКАХ И ВРЕМЕНИ ФОРМИРОВАНИЯ БЕЛОРУССКОГО ЭТНОСА
Погляд | Даследаванні


Анатоль Астапенка В статье подвергается критике концепция «древнерусской народности». Наиболее приемлемой, исторически оправданной мыслью об этногенезе белорусов, является концепция балтского происхождения. Предлогается новая парадигма, согласно которой белорусский этнос имеет тысячелетнюю...
З высокім Сьвятам!
Брама сайта | Галоўная старонка


Сяргей Панізьнік. "Сьцяг"      Сьветлым полем я нясу агнявую паласу: як маланка, нада мной зіхаціць над галавой                    Сьцяг мой вольны,                    Сьцяг мой сьмелы,                    Сьцяг мой...
Не забаўка і не нажыва
Погляд | Асоба


Яўген Гучок, паэт, публіцыст Ужо 60-т гадоў стала і плённа працуе на ніве беларускага прыгожага пісьменства празаік і публіцыст, інтэлектуал Эрнэст Ялугін. Нарадзіўся ён у 1956 г. на станцыі Асінаўка...
Стваральнік жывых твораў
Погляд | Асоба


Яўген Гучок, паэт, публіцыст Сёлета (19.11.2016 г.) выдатнаму майстру беларускага слова, гарачаму патрыёту Беларусі, пісьменніку, сябру Саюза беларускіх пісьменнікаў Эрнесту Васільевічу Ялугіну спаўняецца 80 гадоў. Яго творчы, як і жыццёвы, шлях не...
"Вялікае сэрца" (прысвечана В.Якавенку)
Погляд | Асоба


Яўген Гучок    2 сакавіка споўнілася сорак дзён, як пайшоў у іншы свет (няма сумневу, што ў лепшы - у нябесную Беларусь) публіцыст, пісьменнік, грамадскі дзеяч Васіль Цімафеевіч Якавенка -...
Васіль Якавенка пасьпеў паставіць свой асабісты подпіс пад пэтыцыяй за гавязьнянку
Погляд | Асоба


Валер Дранчук. Слова на разьвітанне Апошні час мы стасаваліся мала. Сустракаліся выпадкова і амаль не тэлефанавалі адзін аднаму. Раней інакш. Наступальна актыўны Васіль Цімафеевіч сыпаў прапановамі, даволі часта запрашаў да сумеснай...
Увечары 22 студзеня 2018 года памёр Васіль Якавенка
Погляд | Асоба


Разьвітаньне адбудзецца 24 студзеня у рытуальнай зале мінскай Бальніцы хуткай дапамогі (Кіжаватава, 58б)  з 14:00 да 15:00. Пахаваны пісьменьнік будзе на Заходніх могілках.  ...
Выйшаў з друку новы раман вядомага пісьменніка і публіцыста В. Якавенкі «Абярэг»
КНІГІ | Навінкі


Ён прысвечаны навейшай гісторыі Рэспублікі Беларусь і асвятляе надзённыя пытанні культуры і нацыянальнага жыцця. У аснову твора пакладзены гісторыі, нявыдуманыя і пераасэнсаваныя аўтарам, падзеі і з’явы апошніх гадоў. Персанажы...
2018
Брама сайта | Галоўная старонка


...
Przygody Bolka i Lolka
ТВОРЫ | Відэа


.... To bajka mojego dzieciństwa ...
Васіль Якавенка. «Пакутны век». 2-е выданне.
КНІГІ | Нятленнае


Якавенка, В. Ц. Пакутны век : трылогія / Васіль Якавенка; 2-е выд., дапрац. - Мінск : Выд. ГА «БелСаЭС «Чарнобыль», 2009.- 896 с. ISBN 978-985-6010-30-2. Падобнага твора ў беларускай...
Joomla! Ukraine

КОЛЬКІ СЛОЎ НА БРАМЕ САЙТА :

Выставка фоторабот «На рубеже тысячелетия»
|


4-27.09.2018 в фотогалерее кннотеатра "Центральный" (город Минск, Республика Беларусь). Вход свободный.      ...
Народ і нацыя: Колькі слоў на Браме сайта
|


Шаноўныя, перад вамі спроба адкрытай і шчырай размовы пра найбольш важнае і надзённае, што даўно паўстала і востра стаіць перад нашым народам, цяпер — асабліва, — ратаваць сябе ў супольнасці, у суладдзі, берагчы і развіваць творчы дух народа і нацыі. Я ведаю, што гэтыя словы і тое, што за імі стаіць, дойдзе далёка не да кожнага розуму,...
Інстытут Нацыянальнай Памяці (ІНП)
|


Памяць народа – перадумова для далейшага яго развіцця ў грамадзянскай супольнасці і выканання ім ролі крыніцы ўлады і крыніцы дзяржаўнасці. Інстытут Нацыянальнай Памяці (ІНП) ёсць грамадзянская ініцыятыва па выяўленні і раскрыцці найвыдатнейшых старонак беларускай гісторыі, абароне этнакультурных каштоўнасцей і выкрыцці злачынстваў супраць свайго народа, калі б яны ні былі ўчыненыя. Ніжэй прыводзяцца і іншыя вытрымкі з палажэння Аргкамітэта...
Joomla! Ukraine

Новыя каментары :

КОЛЬКАСЦЬ ПРАЧЫТАНЫХ СТАРОНАК 
з 1 снежня 2009 года

КОЛЬКАСЦЬ НАВЕДВАЛЬНІКАЎ САЙТА 
mod_vvisit_counter Сёння 435
mod_vvisit_counter Учора 549
mod_vvisit_counter На гэтым тыдні 2714
mod_vvisit_counter У гэтым месяцы 9635
Каталог TUT.BY