Аўтар гэтай нататкі край занепакоены катастрафічным станам роднай мовы на Бацькаўшчыне, што руйнуе першасную, духоўную сэрцавіну беларуска-ліцьвінскага этнасу і стварае непераадольныя перашкоды для кансалідацыі насельніцтва Беларусі вакол моўнага стрыжня ды фарміравання на гэтым падмурку паўнавартаснай еўрапейскай нацыі.

Пры цяперашнім стане роднай мовы так званы інтернацыяналізм ёсць наш галоўны вораг, як і прымітывізм сімвала дастатку - "чарка ды шкварка", паскудненькага прыярытэту матэрыяльных каштоўнасцей над духоўнымі, страўніка над душой.

Трэба добра зразумець, што панаванне ў Беларусі чужой, гвалтоўна навязанай нам мовы суседняга народа ёсць працяглае ПАЧВАРНАЕ СКРЫЎЛЕНЬНЕ, СКАЖЭНЬНЕ ДУШЫ ГІСТАРЫЧНАГА ЛІЦЬВІНА, якога трэба неадкладна ВЫПРАЎЛЯЦЬ. Цяперашнія ўлады на Беларусі наадварот пагаршаюць моўную сітуацыю кожны дзень. Наўмысная разбеларусізацыя руйнуе і без таго вынішчаную ў значнай меры нацыю.

Улада мусіць прыняць прыярытэт мовы карэннага этнасу на Беларусі, надаць ёй статус першай у існуючым пакуль што дзьвухмоў'і! Гэта няўмольная патрэба нашай нацыі!

Улада павінна пачаць размаўляць, а затым думаць і дзейнічаць у рэчышчы нашых нацыянальных інтарэсаў.

У адваротным выпадку ёй належыць ачысціць чужыя для яе абшары Беларусі ад сваёй прысутнасці.

І яшчэ адно балючае. 500 гадоў на нашай зямлі жывуць жыды (гэтая назва - не абраза, а гістарычная рэалія), а мы ад іх анічога разумнага, што яны маюць, не перанялі. Найперш - нацыянальнай салідарнасці, падтрымкі сваіх сваімі супляменнікамі.

Апошнім часам невялікія па колькаснаму складу народы ў Еўропе спрабуюць ствараць свае дзяржавы. А мы, шматлікі этнас, хоць бы аднавілі тое, што мелі нашыя славутыя продкі. Не маем сілы... Альбо жадання? Занадта моцнае процідзеянне гэтаму варожых сілаў?

Невыносна сорамна, браткі беларусы!

Нахрапістая антыбеларуская ўлада ўжо справакавала ўзнікненне ідэі беларускага нацыянальнага радыкалізму. Рэшткі здаровай сілы нацыі загнаныя ў кут, не раўнуючы, бы дзікі звер. Бутафорскі лідэр нацыі палічыў месяцы, што засталіся для існаваньіня апазіцыі. Яго прагноз магчыма выканаць толькі праз фізічнае вынішчэнне патрыётаў беларусаў, што процістаяць злачыннаму правячаму рэжыму.

Дарэчы, усе сто адсоткаў забітых рэжымам найбольш знакамітых апазіцыйных дзеячаў - этнічныя беларусы: Генадзь Карпенка, Анатоль Майсеня, Сяргей Корбан, Валеры Шаблюк, Юры Захаранка, Віктар Ганчар, Анатоль Красоўскі, Зьміцер Завадскі, некаторыя рэгіянальныя лідэры, ні аднаго іншапляменніка. Дык што, беларусы знішчаюць найлепшых беларусаў? Тут нешта не так.

Улада правакуе пачатак узброенай нацыянальна-вызваленчай барацьбы беларусаў ад аблуднага пуцінскага гэбізму? Дзеля ўсталявання сапраўды беларускай улады на беларускай зямлі, замест злачыннага акупацыйнага рэжыму. Ці ж не так гэта?

Свой выхад на вуліцы прапаную пачаць з сімвалічнай зброяй - муляжамі зброі касінераў Кастуся Каліноўскага, паўстанцаў Тадэвуша Касцюшкі, неўміручая душа якога сёння з намі, ды байцоў Слуцкага збройнага чыну. З намі заўжды іх неўміручая справа - адстойванне незалежнасці і волі свайго народа!

Алесь Драніцкі