Юбілей патрыярха беларускай гісторыі.
Cлынны літаратуразнавец і культуролаг Адам МАЛЬДЗІС адзначыў 7 жніўня 2012 года 80-годдзе.

Зала Дзяржаўнага музею гісторыі беларускай літаратуры ледзь змясціла больш за сотню гасцей юбіляра.

“Кожны з нас стварае эпоху”, – калісьці сказаў Адам Мальдзіс. І колькасць гасцей на юбілеі прафесара, бадай, сталася найлепшым таму пацверджаннем.

Кожная сустрэча з вялікім беларусістам і патрыётам адчыняе браму ў свет гісторыі – нават асабісты юбілей прафесар зладзіў у форме “жыццяпісу”: сваймі ўспамінамі дзяліліся землякі юбіляра, ягоныя калегі ды блізкія людзі.  

Белсат ТВ 

ІВАН КРУК, РЭКТАР ІНСТЫТУТУ КУЛЬТУРЫ:
“Мне пашчасціла быць неаднаразова ў экскурсіях, якія здзяйсняліся па Беларусі, і дзякуючы яму я ўпершыню даведалася, што такое Фарны касцёл, і ён мяне туды правёў і расказваў пра дзівосы нашай гісторыі”.
Даследнік ад прыроды, Мальдзіс стаўся сапраўдным рухавіком адраджэння шмат якіх гістарычных сядзібаў. Аднак перадусім ён – аўтар больш як двух дзясяткаў манаграфіяў, літаратуразнаўчых і культуралагічных эсэ, біяграфічнага нарысу “Жыццё і ўзнясенне Уладзіміра Караткевіча”.

ТАДЭВУШ СТРУЖЭЦКІ, НАМЕСНІК МІНІСТРА КУЛЬТУРЫ РБ
“Вось гэта характарыстыка Мальдзіса як патрыярха сярод даследнікаў беларускай гісторыі і культуры больш адпавядае і ацэньвае ўсе тое, што зрабіў гэты чалавек для адраджэння беларускай культуры і гісторыі”.
Апроч навуковай працы прафесар паспяхова займаўся і арганізацыяй праектаў, сярод якіх Нацыянальны асветны цэнтр імя Ф. Скарыны ды Міжнародная асацыяцыя беларусістаў. Аднак галоўным дасягненнем сваёй дзейнасці гісторык лічыць 6-томны бібліяграфічны слоўнік “Беларускія пісьменнікі”. У выданні пад адною вокладкаю сабраныя звесткі пра славутых беларусаў, раскіданых па ўсім свеце.

АДАМ МАЛЬДЗІС, НАВУКОВЕЦ:
“Гэта 20 гадоў жыцця, і гэта вельмі важны для сённяшняга пакалення даведачны матэрыял”.
Цягам 4 гадзінаў на своеасаблівую сцэну выходзілі і журналісты, і навукоўцы, і чыноўнікі. Як заведзена, загадаў жаданне і сам юбіляр.

АДАМ МАЛЬДЗІС , НАВУКОВЕЦ
“Паехаць на родную Астравеччыну і ад гэтага тлуму адарвацца ды запісваць уласныя кніжкі”.
Якія будзе чытаць не адно пакаленне беларусаў.'

Вольга САЎЛЕ, “Аб’ектыў”

Эксклюзивное интервью телеканалу ОНТ

Юбилей всемирно известный учёный отметил публично. Пригласил всех на авторский вечер в столичном музее истории белорусской литературы. Ей-то (литературе) профессор служит почти 60 лет.

Адам Мальдзіс на свой юбілей сабраў аншляг (Радыё Свабода)

У свой дзень народзінаўАдам Мальдзіс сабраў поўную залю сяброў і калегаў, якія былі зь ім на розных этапах жыцьця. Паводле жыцьцяпісу юбіляра пабудавалі і сцэнар урачыстасьці.

Першым далі слова «дэлегацыі» з Астраўца, адкуль родам Мальдзіс.

Павіншаваць свайго земляка з 80-годзьдземпрыехалі намесьнік старшыні астравецкага райвыканкаму Віктар Сьвіла, краязнаўцаАляксандар Юркойць, рэдактарка «Астравецкай праўды» Ніна Рыбік ды дырэктарка раённай бібліятэкі Натальля Ачарэтава. Адам Мальдзіс заўважыў, што ў «Астравецкай праўдзе», якая тады называлася «Сталінская праўда», ён надрукаваў свой першы верш, а чытачом мясцовай бібліятэкі стаў 65 гадоў таму.

Арсень Ліс

Арсень Ліс адзначыў:

«Адам Восіпавіч зрабіў вельмі шмат для Астаравеччыны, - сказаў Віктар Сьвіла. - Дзякуючы ягоным намагньням і нястомнай працы ў Астраўца аказалася свая цікавая і багатая гісторыя. Да таго часу, як Адам Восіпавіч пачаў зьбіраць па крупінках зьвесткі пра сваю малую радзіму і дасылаць гэта ў Астравец, амаль афіцыйна лічылася, што ў Астраўца няма сваёй гісторыі. Адам Восіпавіч знайшоў у першакрыніцах дату заснаваньня Астраўца - 1468 год. Ён першы распавёў Астравеччыне і ўсяму сьвету пра нашых знакамітых землякоў. Напрыклад, пра вядомага сьвятара-філёзафа Казіміра Сваяка, мастака Богуша Шышку, першага консула Расеі ў Японіі Іосіфа Гашкевіча».

Да «астравецкай каманды» юбіляр далучыў і свайгокалегу-літаратуразнаўцу Арсеня Ліса. Ён нарадзіўся недалёка ад Астраўца, на Смаргоншчыне, а з Мальдзісам пазнаёміўся ў Маладэчна. Абодва ў юнацтве наведвалі нядзельныя заняткі літаратурнага аб'яднаньня Міколы Ермаловіча.

«Без ініцыятывы Адама Восіпавіча не было б 6-томнагабібліяграфічнага слоўніка беларускіх літаратараў, дзе не абыдзены ніхто! Самы забыты даўнейшы літаратар знайшоў сваё месца.  Яшчэ ад Адама Восіпавача можна спадзявацца на надзвычай цікавыя мэмуары. Ён падрыхтаваў слоўнік беларусаў, якія раскіданы па ўсім сьвеце. Усіх выдатных прадстаўнікоў Адам Восіпавіч сабраў у адной важнай кнізе».

Сярод тых, хто прыйшоў павіншаваць Адама Мальдзіса, былі ягоныя колішнія аднакурсьнікі па Беларускім дзяржаўным ўнівэрсытэце Марыя Карпенка і Анатоль Вярцінскі, намесьнік міністра культуры Тадэвуш Стружэцкі, старшыня Нацыянальнай камісіі па справах ЮНЭСКА Уладзімер Шчасны, фальклярыст Янка Крук і Аксана Катовіч,пісьменьніца Вольга Іпатава.

Анатоль Вярцінскі

«Тое, што Адама Мальдзіс працавіты, самавіты - гэта мы ведаем, - заўважыў Анатоль Вярцінскі.  - Але ці шчасьлівы ён? Пытаньне адказнае, я скажу адназначна, што ён шчасьлівы. Шчасьце - гэта калі ёсьць, што рабіць, чым заняцца і на што спадзявацца. Перад намі якраз той чалавек, які ніколі не сумняваўся ў тым, што ён робіць».

У кулуарах