Некалькі тысяч чалавек сабраліся ля Акадэміі навук, каб адзначыць дзень нацыянальнага вызвалення. Мітынг прайшоў у разняволенай, светлай атмасферы. Было нямала сямей з дзецьмі. Асноўную частку ўдзельнікаў складала моладзь. Сілы аховы парадку паводзілі сябе карэктна.

Падрабязнасці на старонках "Нашй Нівы"

Святочная вечарына “Збіраўся скарб: 50 тамоў “Беларускага кнігазбору” адбылася ў абрэзаным фармаце...

Мінск, Казлова, 3. 17 сакавіка 2010 г. Прыступкі... Генадзь Дзянісавіч Вінярскі і Кастусь Аляксеевіч Цвірка

17 сакавіка 2010 года ў Палацы мастацтваў (Мінск, вул. Казлова, 3) адбудзецца святочная вечарына “Збіраўся скарб: 50 тамоў “Беларускага кнігазбору”.

У вечарыне возьмуць удзел акадэмік Радзім Гарэцкі, доктар філалагічных навук Адам Мальдзіс, заслужаны артыст Беларусі Віктар Скорабагатаў, паэты Генадзь Бураўкін, Анатоль Вярцінскі, Уладзімір Някляеў, Кастусь Цвірка, а таксама трыо “Вытокі”, Лявон Вольскі, Таццяна Беланогая.

Правядзе вечарыну паэт Міхась Скобла.

Пачатак а 18 гадзіне. Уваход вольны.

Аляксей Грышын заваяваў залаты медаль у лыжнай акрабатыцы ў фрыстайлістаў (АЛІМПІЯДА 2010).

Па суме двух спроб беларус набраў 248,41 бала (120,58+127,83), больш чым на бал апярэдзіўшы амерыканца Джерета Петерсона (другое месца з вынікам 247,21). Трэці радок застаўся за кітайцам Жонгкінгам Лю (242,53). Цімафей Слівец набраў 225,58 бала, што дазволіла яму заняць дзявятае месца. Зміцер Дашчынскі зваліўся ў першай спробе, і нават высокія балы за другі скачок не дазволілі яму падняцца вышэй адзінаццатай пазіцыі.

Залаты медаль Аляксея Грышына стала першай узнагародай вышэйшай спробы для Беларусі ў гісторыі Зімовых Алімпійскіх гульняў. З 1994 года нашыя спартоўцы заваявалі чатыры срэбныя і чатыры бронзавыя ўзнагароды. 

Характэрна, што беларускія фрыстайлісты заваёўваюць медалі ўжо на чатырох Алімпіядах запар. Зміцер Дашчынскі быў бронзавым прызёрам у 1998-м годзе і срэбным у 2006-м. Аляксей Грышын заваяваў бронзу на Алімпійскіх гульнях 2002-га года.

У пятніцу 11 снежня 2009 г. ў актавай зале  Палаца мастацтва  (Мінск, Казлова, 3) адбудзецца прэзентацыя 2-га выдання трылогіі Васіля Якавенкі  "Пакутны век".

Пачатак а 17-й гадзіне. Уваход вольны.

Кнігі аўтара будуць па самым нізкім кошце! Шчасьце не ў грашах, а без іх - маркота.

Сонечная Арменія. Як толькі сонца вызірае з-за гор, разумееш: гэта не проста штамп, што свайго часу прыклеіўся да гэтай краіны дзякуючы савецкай рыторыцы, а канстатацыя факту. І чым больш глядзіш уверх, на чорна-зялёныя горныя хрыбты, яркае неба - тым больш разумееш: будзь ты Ноем, ты б таксама прышвартаваў свой каўчэг недзе тут. Але калі твой позірк слізгае па далёкім-далёкім схіле турэцкага з 1924 года Арарата ніжэй - следам за Ноем, што спускаўся тут на раўніну, каб пабачыць Вясёлку і пачаць Новае Жыццё, - табе падаецца, што ты дасягнуў самага дна патопу. Маленькі рудымент якога - велічнае возера Севан у вэлюме з шэрых аблокаў.

Пад такой назвай з 7 па 10 кастрычніка 2009 г. у Арменіі прайшоў Форум у якім удзельнічалі перакладчыкі і выдаўцы перакладной літаратуры з Арменіі, Беларусі, Грузіі, Латвіі, Літвы, Кыргызстана, Малдовы, Расіі, Таджыкістана, Украіны, Узбекістана, Эстоніі. Усяго на форуме сабралася каля 150 дэлегатаў.  Аўтары фотарэпартажу: Міхаіл Візель і Васіль Якавенка.

Аэрапорт “Мінск-2”. На Форум!.. Зміцер Колас і Андрэй Хадановіч

У 405 годзе асветнік Месроп Маштоц стварыў армянскі алфавіт, пасля чаго пераклаў Біблію на армянскую мову. Гэткая ранняя далучанасць да кніжнага слова дапамагла армянам атрымаць культурную самабытнасць, здабыць і адстаяць сваю дзяржаўнасць. Таму Арменія - адзіная ў свеце краіна, дзе Свята перакладчыка - дзяржаўнае свята. Адзначаюць яго 10 кастрычніка, цэнтр святкаванняў - вёска Ашакан, дзе пахаваны Маштоц, кананізаваны армянскай апостальскай царквой. Сёлета да ўрачыстасцяў у Ашакане далучыліся ўдзельнікі ІІІ Форума перакладчыкаў і выдаўцоў краін СНД і Балтыі, які ладзіцца пад эгідай Міністэрства культуры Арменіі і пры падтрымцы Міждзяржаўнага фонду гуманітарнага супрацоўніцтва краін-удзельніц СНД.