6 чэрвеня ў Менску на 78-м годзе жыцця памёр вядомы беларускі філосаф і літаратуразнаўца Уладзімір Конан.

Асобу Уладзіміра Конана нельга пераацаніць і апісаць ні ў вянку жалобных некралогаў, ні ў асобных нарысах, артыкулах, ці кнігах, - адзначыў старшыня Саюза беларускіх пісьменнікаў (СБП) Алесь Пашкевіч. . - Уладзімір Конан быў і застаецца вядомым філосафам, літаратуразнаўцам і крытыкам, ён быў доктарам філасофскіх навук і лаўрэатам дзяржаўнай прэміі Беларусі, сябрам Саюза беларускіх пісьменнікаў.

Кіраўнік СБП падкрэсліў, што Конан не быў філосафам-пустэльнікам - наадварот, ён «быў адкрытым і публічным чалавекам, грамадзянская пазіцыя якога заўсёды была ўзорнай для дзясяткаў, сотняў ягоных вучняў і прыхільнікаў».

Уладзімір Конан, па словах Пашкевіча, быў вядомы не толькі ў Беларусі, але і ў Еўропе як ўдумлівы таленавіты даследчык, культуролаг. «У першую чаргу яго цікавілі гарызонты і загадкі беларускага нацыянальнага духу, гэтага чалавека цікавілі нацыянальныя ідэі ў сувязі з паганствам і хрысціянствам», - дадаў старшыня пісьменніцкага аб'яднання.

Па ягоных словах, у часы станаўлення Рэспублікі Беларусь Конан прыкладаў усе намаганні, каб у краіне стварыўся Нацыянальны навукова-асветны цэнтр імя Ф.Скарыны, а таксама актыўна выступаў як публіцыст, прымаў удзел у міжнародных кангрэсах беларусістаў.

Уладзімір Конан нарадзіўся 23 красавіка 1934 года ў вёсцы Вераскава Навагрудскага раёна ў сялянскай сям'і. Скончыў гістарычны факультэт БДУ, працаваў у Інстытуце філасофіі і права Акадэміі навук Беларусі. У 1991 годзе стаў загадчыкам аддзела гісторыі і тэорыі культуры Нацыянальнага навукова-асветніцкага цэнтра імя Скарыны.

Адам Мальдзіс: Уладзімір Конан як ніхто іншы ў Беларусі займаўся эстэтыкай. Гэта выявілася ў яго шматлікіх манаграфіях, найперш у кнізе "Развіццё эстэтычнай думкі ў Беларусі (1917-1934 гг.)". І сённня, калі адзначаецца год Максіма Багдановіча, па словах Мальдзіса, вельмі светла глядзіцца адна з грунтоўных прац філосафа "Святло паэзіі і цені жыцця: Лірыка Максіма Багдановіча".

Царква Сьвятых апосталаў Пятра й Паўла

Уладзімір Конан пахаваны цалкам на Паўночных могілках (г. Мінск) 8 чэрвеня 2011 г. Служба адбылася перад тым у Царкве Сьвятых апосталаў Пятра й Паўла (вуліца Ракаўская. Няміга) 11.30. Жалобны стол зладзілі ў кафэ галоўнага корпуса НАН Беларусі.

euroradio.fm       reporter.by         traditio.ru