Інфармацыйная даведка пра ГА "Беларускі сацыяльна-экалагічны саюз "Чарнобыль" са звесткамі аб яго асноўных мерапрыемствах за 2008 год

БелСаЭС "Чарнобыль" працягвае сваю дзейнасць. Заснавальнік і кіраўнік аб'яднання: Якавенка Васіль Цімафеевіч. 

Савет аб'яднання:

Якавенка Васіль Цімафеевіч, старшыня савета, г. Мінск, літаратар.
Фядзюшын Ягор Ягоравіч, нам. кіраўніка аб'яднання, г. Мінск, фізік-ядзершчык, канд. тэхн. навук.
Банкевіч Анатоль Іосіфавіч, г. Баранавічы, юрыст.
Карповіч Раман Васільевіч, г. Мінск, аспірант Белэканамуніверсітэта.
Касінец Васіль Аляксеевіч, г. Жодзіна, афіцэр запаса.
Куталоўскі Ігар Канстанцінавіч, г. Бабруйск, ландшафтны архітэктар.
Пазнякоў Валерый Уладзіміравіч, г. Мінск, доктар філасофскіх навук.
Ралько Лідзія Мікалаеўна, г. Мазыр, старшыня прафкама прадпрыемства.
Сацэвіч Уладзімір Аляксандравіч, г. Кобрын, з рабочых, эколаг, прапагандыст цвярозага ладу жыцця.
Станкевіч Ірына Вячаславаўна, г. Мазыр, медработнік школы.

Склад Савета БелСаЭС "Чарнобыль" не змяніўся, за выняткам таго, што адзін чалавек - Грачоў У.І - выйшаў з Савета у чэрвені 2007 года.

У склад аб'яднання уваходзяць:

Гарадское аддзяленне "Баранавіцкі экалагічны саюз" ОО БелСаЭС "Чарнобыль", старшыня Банкевіч А.І.
Кобрынскае гарадское аддзяленне БелСаЭС "Чарнобыль", старшыняСацэвіч У.А.
Мазырскае рэгіянальнае аддзяленне БелСаЭС "Чарнобыль", старшыня Станкевіч І.В.
Мазырскі цэнтр сацыяльна псіхалагічнай рэабілітацыі насельніцтва "Жыццё пасля Чарнобыля", старшыня Ралько Л.М.
Жодзінскае аддзяленне БелСаЭС "Чарнобыль", старшыня Касінец В.А.
Бабруйская пярвічная арганізацыя БелСаЭС "Чарнобыль", старшыня Куталоўскі І.К.
Мінская пярвічная арганізацыя пры праўленні аб'яднання. 

Колькасны склад саюза

Згодна з пададзенымі спісамі, колькасны склад саюза у асобе яго актыву наступны:

Гарадское аддзяленне "Баранавіцкі экалагічны саюз" ОО БелСаЭС "Чарнобыль" - 10 чал.
Кобрынскае гарадское аддзяленне БелСаЭС "Чарнобыль" - 16
Мазырскае рэгіянальнае аддзяленне БелСаЭС "Чарнобыль" - 29
Мазырскі цэнтр сацыяльна псіхалагічнай рэабілітацыі насельніцтва "Жыццё пасля Чарнобыля" - 23
Жодзінскае аддзяленне БелСаЭС "Чарнобыль" - 7
Бабруйская пярвічная арганізацыя БелСаЭС "Чарнобыль" - 5
Мінская пярвічная арганізацыя пры праўленні аб'яднання - 13

Усяго - 103 чалавекі

Звесткі аб мерапрыемствах 2008 года.

Баранавіцкае аддзяленне:

Праведзена 5 экалагічна-адукацыйных семінараў з дзецьмі ў 1-й гарадской гімназіі і 2 семінары ў 13-й СШ на тэму "Карысць лесу для чалавека". Пасля гэтай падрыхтоўчай працы праведзена акцыя ў вясенне-асеннія месяцы па рэкультывацыі кар'ераў пад горадам шляхам высадкі дрэў. У акцыі прынялі ўдзел 300 вучняў, якім дапамагалі спецыялісты Баранавіцкага лясгасу. Лес высаджаны на плошчы 25 гектараў.

Фінансавую падтрымку праекту аказалі ПРААН - "Глабальны экалагічны фонд у Беларусі".

На працягу года аддзяленнем выпушчана 4 экалагічныя бюлетэні "Зялёны рэгіён".

Дзейнічаў грамадскі (вучні і старэйшыя) экалагічны патруль у горадзе і на раёне.

Кобрынскае гарадское аддзяленне:

12-13 снежня 2008 года у Доме культуры г. Кобрына пры падтрымцы Камісіі па барацьбе з п'янствам і алкагалізмам праведзена 2-я Кобрынская раённая канферэнцыя "Цвярозая Кобршчына". З дакладамі выступілі, прыехаўшы з Мінска, В.Талкачоў, кіраўнік рэспубліканскага аб'яднання "Цвярозасць - Аптымаліст", Л.Смірноў, дзіцячы пісьменнік, аўтар кнігі "Бомба са злом", Т.Шчадрына, псіхолаг; з Каменца - П.Вінічук, урач-валеолаг, з Брэста - Д.Сядум, настаўнік.

13 снежня адбыўся "круглы стол" на тэму "Узаемадзейнічанне дзяржаўных і грамадскіх арганізацый у фарміраванні ў грамадзян патрэбы ў свядомай і перакананай цвярозасці". У шырокай і прадметнай размове прынялі ўдзел як ужо вышэй пералічаныя, так іншыя спецыялісты, грамадскія дзеячы - В.Крывецкі, урач (Кобрын), М.Чычэраў, урач (Магілёў), А.Баброўскі, метадыст-выкладчык (Брэст), Л.Макарэвіч, псіхолаг (Брэст), І.Кліменка, навуковец-хімік, В.Грыгорык, ветэран правапарадку.

Канферэнцыя прыняла зварот к дэпутатам Саветаў Кобрынскага раёна.

Мазырскае рэгіянальнае аддзяленне:

Аздараўленне аслабленых дзяцей у Германіі па сем'ях, што ўваходзяцьу нямецкую дабрачынную арганізацыю «Tsernobylmahnt», Hassloch. Ліпень - жнівень, 38 чалавек.

Заняткі з дзецьмі ў кружках "Кроення і шыцця", "Мяккая цацка", "Аэробіка", "Танцы", "Курсы нямецкай мовы". Наведваюць гэтыя кружкікаля 70 дзяцей.

Мазырскі цэнтр сацыяльна-псіхалагічнай рэабілітацыі насельніцтва "Жыццё пасля Чарнобыля":

Ад зарубежнага партнёра ў Даніі "Дынесміндэс Венер" атрымана дабрачынная гуманітарная дапамога рознымі рэчамі агульнай вагою 23800 кілаграмаў на суму 10175 долараў ЗША. Груз размеркаваны паміж Мазырскай цэнтральнай паліклінікай №2, Слабадской бальніцай, Мазырскай гарадской бальніцай, малазабяспечанымі грамадзянамі, інвалідамі, пенсіянерамі, шматдзетнымі сем'ямі і г.д.

Цэнтр шэфствуе над дзіцячым садам №9 і падтрымлівае ў ім работу з дзецьмі ў розных кружках.

Жодзінскае аддзяленне:

Экалагічная навукова-практычная экспедыцыя на аўтамабілях у Цвярскую вобласць да вытокаў рэк Волгі, Заходняй Дзвіны, Дняпра. Экспедыцыя выканана ў маі 2008 года групай у складзе 6 чалавек. Ачысцілі вярхоўе Заходняй Дзвіны ад завалаў, застою вады і забруджвання.

На Дняпры знайшлі, што падчас пракладкі дарогі, якая перасякала вярхоўе, будаўнікі неахайна паклалі трубу і яна адным канцом уткнулася ў мул, перакрыўшы ход вадзе, вада паднялася. Група энтузіястаў з лапатамі выправіла сітуацыю.

Для Жодзінскага аддзялення характэрна міжрэгіянальнае супрацоўніцтва. У чэрвені аддзяленне наладзіла краязнаўчую экскурсію ўздоўж Нёмана, а ў жніўні дзвюма групамі па 5 чалавек зрабіла турыстычную паездку на Каўказ, у раён Геленжыка, для адпачынку і даследавання вытокаў рэк, вадаёмаў, вадаспадаў, гарыстых мясцін, актыўных у псіхафізічным аздараўленні. Абапіраючыся на прадпрымальнікаў, завезлі ў Беларусь экалагічна чыстыя прадукты харчавання - кавуны, дыні і інш.

У апошнія гады жодзінцы на чале з В.Касінцом шукаюць нетрадыцыйныя метады аздараўлення зямлі, вадаёмаў, ачышчэння іх ад радыяцыйнага і іншага забруджвання. Склалася супрацоўніцтва з рэдкім спецыялістам у гэтай галіне - Леанідам Порвіным, масквічом, які быў прыцягнуты турыстычнай групай да выключна рэдкай акцыі ў Няклінаўскім раёне Растоўскай вобласці.

Там у рыбнай гаспадарцы на буйным вадаёме пачалося захворванне рыбы, і нашы эколагі, узброеныя прыборамі і парадамі Порвіна, аднавілі ранейшы стан вадаёма, пазбавілі рыбу ад хваробы і гібелі.

Ёсць дамоўленасць з Порвіным аб выездзе на возера Нарач на Беларусі дзеля вывучэння і, калі спатрэбіцца, паляпшэння экалагічнага стану возера пры садзейнічанні ўлад.

Аддзяленне брала ўдзел у міжнародным фестывалі "Экапасяленне

21-га веку" (санаторый "Крыніца") і займаецца распрацоўкай свайго праекта экалагічна чыстага і аздараўляльнага жытла.

Бабруйская арганізацыя:

Праведзена акцыя з дапамогай плакатаў і сродкаў масавай інфармацыі, скіраваная супраць вясенніх куродымаў - спальвання пажухлай мінулагодняй травы абапал дарог. Кіраўніком арганізацыі І.Куталоўскім напісана і выдадзена на ратапрынце брашура "Палы - индикатор эффективности социально-экологической ситуации и экологической политики в Республике Беларусь".

 Мінская організацыя (пры праўленні аб'яднання):

Сумесна з Беларускім камітэтам "Дзеці Чарнобыля" працягвалася работа па праекту "Моладзевы экалагічны рух Беларусі".

Праведзены 7-ы рэспубліканскі конкурс дзіцячых экалагічных, навукова-даследчых і практычных праектаў "Зямля - наш дом".

Падведзены вынікі. Паралельна праведзена выстаўка дзіцячых работ.

Кіраўнікі аб'яднання бралі актыўны ўдзел у пасяджэннях Грамадскага экалагічнага савета пры Мінпрыродзе.

Значная ўвага надавалася асэнсаванню постчарнобыльскай экалагічнай сітуацыі на Беларусі і праблемам будаўніцтва АЭС у краіне. Па ініцыятыве праўлення і асабіста нам. кіраўніка аб'яднання Я.Фядзюшына ў красавіку створаны аргкамітэт руху "Вучоныя за бяз'ядзерную Беларусь", праведзены два пашыраныя пасяджэнні аргкамітэта. Падрыхтаваны і адпраўлены зварот да Прэзідыума НАН Беларусі "Ці патрэбна АЭС Беларусі?"

Актывісты аб'яднання - вучоныя прынялі ўдзел у Міжнароднай канферэнцыі "Навуковыя і гуманітарныя ініцыятывы ў падтрымку ліквідатараў і ахвяраў Чарнобыльскай катастрофы", якая праходзіла ў Вільнюсе 8-9 кастрычніка 2008 года.

Апроч пералічанага, Я.Фядзюшын актыўна выступаў у друку з артыкуламі "Ці патрэбна АЭС Беларусі", "Состоится ли "ядерный ренессанс" в Беларуси?", "В карете прошлого далеко не уедешь", тое ж і В.Якавенка: "Купіце бомбу ў акаймоўцы кветак", "Чарнобыльскі вузел. Асвятленне знутры"... Вяліся рубрыкі "Наваколле" і "Постчарнобыль" на грамадскім сайце "Мы - нацыя!"

Рэзюме

Беларускі сацыяльна-экалагічны саюз "Чарнобыль" доўжыў працу. Былі, праўда, і больш актыўныя перыяды ў ягонай дзейнасці, распачатай у 1990 годзе і нават раней. І тады былі, і цяпер у нас ёсць недахопы, на жаль. Але ж наша праца была б больш плённай пры належнай увазе дзяржаўных структур да грамадскіх экалагічных аб'яднанняў.

Наша Лідскае аддзяленне, якое узначальваў супрацоўнік міліцыі У.Грачоў, самаліквідавалася ў чэрвені 2007 года з-за раўнадушша да яго існавання з боку гарадскіх і раённых улад - іхніх структурных падраздзяленняў, у тым ліку і тых, якія належаць Мінпрыродзе.

 На сённяшні дзень у цяжкіх умовах працуе Мазырскі цэнтр сацыяльна-псіхалагічнай рэабілітацыі насельніцтва"Жыццё пасля Чарнобыля" - толькі таму, што не могуць зняць з яго вырашэнне пытання аб аплаце арэнды

нейкіх там падвальных памяшканняў. То ці доўга ў такім разе будзе кіраваць цэнтрам вопытная і адданая справе Л.Ралько, аплачваючы арэнду са сваёй уласнай кішэні??!

Нярэдка праца кіраўнікоў грамадскіх аб'яднанняў і іх падраздзяленняў - гэта паласа пераадолення суцэльных цяжкасцей, псіхічных і маральных выпрабаванняў. Тым часам варта зазначыць, што гэта людзі, якія дбаюць не толькі і не столькі пра сябе, якія дбаюць яшчэ і пра людзей, пра дзяржаву.

Мінская пярвічная арганізацыя пры праўленні БелСаЭс "Чарнобыль"

Якавенка Васіль Цімафеевіч, кіраўнік, пісьменнік
Фядзюшын Ягор Ягоравіч, фізік-ядзершчык, канд. тэхн. навук
Пазнякоў Валерый Уладзіміравіч, д-р філасофскіх навук
Бондар Міхаіл Пятровіч, геолаг
Малько Міхаіл Уладзіміравіч, канд. фіз-мат. навук
Герасімовіч Пётр Міхайлавіч, прадпрымальнік
Якавенка Ларыса Мацвееўна, медработнік
Карповіч Раман Васільевіч, аспірант БДЭУ
Цітоў Леанід Сцяпанавіч, эканаміст
Карповіч Алена Раманаўна, урач
Стройнікава Ала Георгіеўна, праграміст
Дзянісаў Валянцін Сяргеевіч, тэхнік
Мурончык Часлаў Антонавіч, механік