Прызначэнне інтэлігенцыі — выхоўваць народную масу у нацыянальным духу, а не рэвалюцыянізаваць

Інстытут беларускай гісторыі і культуры (ІБГіК) — недзяржаўная, непалітычная, некамерцыйная арганізацыя грамадзян, якія аб’ядналіся з мэтай вывучэння і прапаганды гісторыі беларускага народа і яго культуры.

Ідэйная платформа ІБГіК — хрысціянская традыцыя ў развіцці культуры беларускага народа. Усе кіраўнікі і сябры ІБГіК — вернікі, прыхільнікі збліжэння хрысціянскіх цэркваў розных канфесій.

ІБГіК створаны шляхам добраахвотнага аб’яднання рэдакцыі і аўтараў альманаху «Дзяды» і актывістаў моладзевай арганізацыі «Правы альянс».

ІБГіК афіцыйна зарэгістраваны 28 сакавіка 2012 года ў Латвійскай рэспубліцы.

ІБГіК дзейнічае на тэрыторыі краін — чальцоў Эўрапейскага Саюза (Шэнгенская зона) і краін — чальцоў Садружнасці Незалежных Дзяржаў (СНД).

ІБГіК дзейнічае ў адпаведнасці з Законам Латвійскай Рэспублікі «Аб грамадскіх арганізацыях» і Статутам інстытута. Кіраўнікі і сябры ІБГіК выконваюць нормы міжнароднага права, а таксама Статута ЮНЭСКА.

Вышэйшы орган ІБГіК — штогадовы збор сяброў інстытута. Кіруючы працоўны орган — дырэкцыя. 

ЗАДАЧЫ ІБГіК

Для дасягнення асноўнай мэты сваёй дзейнасці ІБГіК вырашае наступныя задачы:

• Збірае навуковую інфармацыю, неабходную для вывучэння, захавання і рэканструкцыі каштоўнасцяў (помнікаў) гісторыі і культуры беларускага народа;
• Распаўсюджвае ў грамадстве навуковыя веды аб гісторыі і культуры беларускага народа ад старажытнасці і да нашых дзён.
• Развівае міжнароднае супрацоўніцтва ў сферы вывучэння і прапаганды беларускай гісторыі і культуры.

Для вырашэння гэтых задач ІБГіК ужывае наступныя метады:

• Арганізуе прэзентацыі новых выданняў, лекцыі, навучальныя курсы, абмеркаванні, канферэнцыі, семінары, сустрэчы, конкурсы і іншыя мерапрыемствы, якія маюць сваёй мэтай прапаганду (папулярызацыю) беларускай гісторыі і культуры.
• Публікуе гістарычны альманах «Дзяды», манаграфіі, зборнікі навукова-папулярных артыкулаў, плакаты, каляндары, стварае відэафільмы і аўдыёзапісы.
• Падтрымлівае культурна-гістарычныя праекты, а таксама гісторыка-культурныя грамадскія арганізацыі (у тым ліку клубы гістарычнай рэканструкцыі).
• Садзейнічае археалагічным і іншым навуковым даследаванням у вобласці гісторыі і культуры беларускага народа, рэканструкцыі разбураных гістарычных помнікаў, стварэнню музеяў і мемарыяльных комплексаў.
• Падае выбітныя працы да ўзнагароджання іх прэміямі, дыпломамі, дзяржаўнымі і грамадскімі ўзнагародамі.

РЭАЛІЗУЕМЫЯ ПРАЕКТЫ

Інстытут пачаў сваю дзейнасць раней, чым адбылася яго афіцыйная рэгістрацыя. Але ж трэба было аб’яднаць усе нашыя праекты пад адзіным кіраўніцтвам. Зараз мы маем практычныя вынікі ў працы па сямі кірункам:

1. Выданне кніг у серыі «Невядомая гісторыя» (кіраўнікі А.Тарас, А.Сцепаненка);

2. Выданне гістарычнага альманаха «Дзяды» (кіраўнік А.Тарас);

3. Стварэнне відэакурса лекцый па беларускай гісторыі (кіраўнік В.Яўмененка);

4. Дзейнасць свайго сайта ў Інтэрнэце (кіраўнік В.Яўмененка);

5. Чытанне лекцый для грамадскасці ў гарадах краіны (кіраўнік В.Яўмененка);

6. Стварэнне галерэі фотапартрэтаў: а) сучасных дзеячаў беларускай культуры (кіраўнік А.Шагулін); б) рэканструкцый аблічча старажытных жыхароў Беларусі (кіраўнік А.Белавусаў);

7. Інфармацыйная падтрымка клубаў гістарычнай рэканструкцыі (кіраўнік А.Сцепаненка).

ІБГіК з’яўляецца юрыдычнай асобай, мае сваю пячатку, штамп, бланк, разліковы рахунак і іншыя рэквізіты.

Юрыдычны адрас:
Рыга, вуліца Прауліенас, 2-28, LV1021, Латвійская рэспубліка

Разліковы рахунак ІБГіК:
Acc. name BALTKRIEVIJAS VESTURES UN KULTURAS INSTITUTS Reg. No 50008192171
Riga, Praulienas 2-28, LV1021, Latvija
Acc. No LV80 UNLA 0050 0189 1790 3
Bank AS SEB Banka, Reg.No 40003151743
SWIFT UNLALV2X

Iнфармацыйны сайт
http://inbelhist.org

Паштовы адрас:
А.Е.Тарас (для ІБГіК), а/с 137, Мінск-131, Беларусь

Электронны адрас:
Гэты e-mail абаронены ад спам-ботаў. Для яго прагляду ў вашым браўзэры павінна быць уключаная падтрымка Java-script

ПРАГРАМА ЛЕКЦЫЙНАГА (ВІДЭА) КУРСА “ДЗВЕ ТЫСЯЧЫ ГОД БЕЛАРУСКАЙ ГІСТОРЫ”

Тэма I.  Нацыянальная канцэпцыя ў гістарыяграфіі (кастрычнік 2011)

Тэма II.  Далетапісны перыяд гісторыі беларускіх земляў (лістапад 2011)

Тэма III. Перыяд асобных княстваў (882–1253 гг.) (снежань 2011)

Тэма IV. Узнікненне ВКЛ (1253–1345 гг.) (студзень 2012)

Тэма V. «Залатое стагоддзе» ВКЛ (1316–1490 гг.) (люты 2012)

Тэма VI. Унутраны крызіс ВКЛ (1486–1569 гг.) (сакавік 2012)

Тэма VII. ВКЛ у Рэчы Паспалітай (1570–1667 гг.) (красавік 2012)

Тэма VIII. Эпоха заняпаду і згубы ВКЛ (1668–1795 гг.) (травень 2012)

Тэма IX. Вайна 1812 года — трагедыя Беларусі (чэрвень 2012)

Тэма Х. Беларускія землі пад уладай Расіі (1795–1917 гг.) (ліпень 2012)

Тэма XI. Псеўдабеларуская савецкая дзяржава (1919–1991 гг.) (жнівень 2012)

Тэма XII. Роля і задачы беларускай інтэлігенцыі ў XXI стагоддзі (верасень 2012)

ГАНАРОВЫЯ СЯБРЫ ІБГІК

Георгій Штыхаў, доктар гістарычных навук, прафесар;
Віктар Цітоў, доктар гістарычных навук, прафесар;
Уладзіслаў Завальнюк, кандыдат гістарычных навук, магістр тэалогіі;
Анатоль Грыцкевіч, доктар гістарычных навук, прафесар;
Алег Трусаў, старшыня Таварыства беларускай мовы імя Ф. Скарыны, кандыдат гістарычных навук, дацэнт

ПРАЕКТЫ Ў ПАДРЫХТОЎЦЫ

• 

  Прафесар Анатоль Тарас падчас сустрэчы з чытачамі
  Стварэнне Таварыства аматараў айчыннай гісторыі імя Вацлава Ластоўскага (кіраўнікі А.Тарас, В.Яўмененка);
• Стварэнне сістэмы онлайн-канферэнцый (ў інтэрнэт-аўдыторыі), прысвечаных аналізу сацыяльна-эканамічных праблем сучаснай Беларусі (кіраўнік В.Яўмененка);
• Стварэнне Школы сацыяльна-культуралагічных навук для паслядыпломнай адукацыі грамадзян (кіраўнікі А.Тарас, Л.Папова);
• Стварэнне фільматэкі навукова-папулярных стужак аб беларускай гісторыі і культуры (кіраўнікі С.Тарасаў, У.Арлоў);
• Стварэнне сістэмы ўзнагарод (дыпломы, значкі) для грамадзян за дасягненні ў прапагандзе беларускай гісторыі і культуры (кіраўнік А.Барычэўскі).

ВЫДАННЕ КНІГ НА БЕЛАРУСКАЙ МОВЕ

ВЫДАТНЫЯ ДЗЕЯЧЫ БЕЛАРУСКАЙ КУЛЬТУРЫ (З ГАЛЕРЭІ ПАРТРЭТАЎ ІБГІК)

Зінаіда Бандарэнка, артыстка; 
Васіль Якавенка, пісьменнік; 
Радзім Гарэцкі, навуковец-геолаг;
Юры Хадыка, навуковец-фізік;
Уладзімір Някляеў, паэт, грамадскі дзеяч;
Вольга Судлянкова, кандыдат філалагічных навук, прафесар;
Рыгор Барадулін, народны паэт;
Аляксей Марачкін, мастак, грамадскі дзеяч;
Генадзь Бураўкін, паэт, грамадскі дзеяч