Реклама в Интернет     "Все Кулички"
  Мы – нацыя!
 
 

Васіль Якавенка: Б’е набатам інерцыя чарнобыльскай безадказнасці! Друк E-mail
30.05.2017 | 20:02 |
Ён заўжды быў і застаецца чарнобыльцам – ад пачатку нараджэння Зоны. Дзе ў зоне ж адчужэння апынуліся яго родныя Васілевічы. Пасля былі шматлікія падарожжы па забруджаных радыяцыяй раёнах.

У 1991-96 гадах набатам на ўвесь свет грымнула заснаваная ім аднайменная ж і адзіная ў сваім родзе газета “Набат”, нязменным рэдактарам якой з’яўляўся. Цяпер з’яўляецца рэдактарам сайта “Мы-нацыя!” Заснавальнік і кіраўнік сацыяльна-экалагічнага саюза “Чарнобыль”, днямі ён стаў сябрам створанага грамадска-кансультатыўнага савета па ліквідацыі наступстваў катастрофы на Чарнобыльскай АЭС.

А яшчэ – у яго пісьменніцкім багажы да трох дзясяткаў уласных кніг ды ўдзел у калектыўных зборніках. З дня на дзень выйдзе з друку яго апошняя аповесць “Зямля, даруй…”, дзе ў тым ліку, таксама апавядаецца – пра Чарнобыль. Наш госць – грамадскі дзеяч і пісьменнік Васіль Якавенка:

РР: Спадар Васіль, я Вас віншую з тым, што сталі сябрам чарговага чыноўніцкага ўтварэння. Але мяне, мякка кажучы, бянтэжыць – чаму пра чарнобыльскі генацыд беларусаў з яго атрутамі ад малых доз радыяцыі, дрэнным і шкодным харчаваннем з забруджаных тэрыторый – гаворым толькі прынагодна, 26 красавіка?! Хоць ад пералічанага штогод памірае яўна больш, чым ад транспартных здарэнняў?!

Васіль Якавенка: Пры “камунізме” жыццё будавалася такім чынам, каб прыхаваць, калі што дрэннае, замоўчыць, знівеліраваць – “а мо абыдзецца”. Таму пералічанае Вамі адбываецца не з-за таго, што бракуе інфармацыі. Я ж таксама прыйшоў да разумення Чарнобыля не ў родных забруджаных Васілевічах, а адразу пасля аварыі ва ўрадавай бібліятэцы. Знайшоў кніжку, перакладзеную з ангельскай мовы, пра ўплывы радыяцыі на чалавечы арганізм. Праз нейкі час, калі ўжо пачаў займацца “тэмай”, зноў хацеў звярнуцца да яе. Аж не – знішчылі, як і ўсё праўдзівае тады. Але я ўжо стаў ездзіць у Зону – Хойніцкі, Рэчыцкі раёны. Пасля Магілёўшчына, дзе наогул забаранялася гаварыць пра наступствы радыяцыі. І гэта ішло з “вышынь” абкама партыі.

РР: Пасля вашых гэтых вандровак, мабыць, і ўзнік “Набат” у 1991 – унікальная і адзіная “чарнобыльская” газета, што праіснавала 5 наступных год. Пра якую Алесь Адамовіч з павагай гаварыў, што цяпер праўда пра Чарнобыль “пастаянна дзеючая”…

Васіль Якавенка: Пісьменнік Адамовіч проста малайчына! Ён не толькі першым паведаміў планеце праўду пра Чарнобыль. Але і пра тое, што на Магілёўшчыне штучная радыяцыя, якую свядома “пасеялі” чыноўнікі з тагачаснага Палітбюро КПСС. Яны з дапамогай летакоў рассеялі і “пасадзілі” радыяцыйныя воблакі, што прамой хадой рушылі на Маскву.  Такім чынам, зрабілі з Магілёўшчыны ды Гомельшчыны атамны палігон. Таму калі першы нумар “Набата” з’явіўся ў друку, я быў гатовы яго расцалаваць! Неўзабаве адкрылася, што апрача Беларусі і Украіны, у нас з’явіліся падпісчыкі ад Піцера да Далёкага Усходу. А на суседняй Браншчыне ўлады нават сталі забараняць газету для публічнага продажу.

Васіль Якавенка: Б’е набатам інерцыя чарнобыльскай безадказнасці!

РР: Што ж прымусіла перастаць біць у “Набат”?

Васіль Якавенка: У нас быў дзіцячы санаторый “Кюсю-на-Свіслачы”, які трымалі 4 гады дзякуючы гуманітарнай дапамозе 200 сяброў дабрачыннай японскай арганізацыі з аднайменнага вострава па дапамозе дзецям Чарнобыля. Яны прывозілі медыкаменты, абсталяванне, проста перадавалі грошы, якія таксама выкарыстоўваліся і для выдання “Набата”. З цягам часу падтрымка па незалежных прычынах перапынілася. Была і другая непрыемная прычына. Акурат у 96-м Міністэрства па надзвычайных сітуацыях вырашыла ўвесці ліцэнзіі на аздараўленне дзяцей. Якую нам… не далі. Прычыну цынічна не выбіралі – маўляў, у вас ў прыбіральні не хапае адной дзіркі, куды дзеці бегаюць па патрэбах. А не даць ліцэнзіі – перапыніць фінансавы паток як для санаторыя, так і для газеты. МЧС жа тады транжырыла грошы абы куды і абы як. І мы паводле моцнай фактуры падрыхтавалі разгромную публікацыю, пасля якой міністр падаў на “Набат” у суд і, прайграўшы, вымушаны быў забраць заяву…

РР: Але з пазіцый дня сённяшняга мусім зазначыць, што ўжо тады  ва ўладзе рыхтаваліся і знікненне статусу чарнобыльскіх ліквідатараў, і  каб на забруджаных землях перасталі праводзіцца рэгулярныя медычныя агляды і дапамога жыхарам, каб зніклі ільготы чарнобыльскай моладзі пры паступленні ў ВНУ і ўсё тое, што сёння маем рэальнасцю. Спадар Васіль, пытанне наўпрост. Чаму Вы, сумленны грамадскі дзеяч, увайшлі ў чарговае чыноўніцкае ўтварэнне? І галоўнае – у гэтым грамадска-кансультатыўным савеце будуць разглядацца пытанні, звязаныя з будаўніцтвам чарговага атамнага монстра –  Астравецкай АЭС?!

Васіль Якавенка: Туды, дарэчы, уваходзяць і кіраўнікі грамадскіх чарнобыльскіх арганізацый. Надзённыя пытанні будзем збірацца і абмяркоўваць, паводле палажэння, двойчы на год. Што да Астравецкай АЭС, дзейная дзяржава сказала УСЁ самае дрэннае – будаваць. Зараз найважней што яшчэ скажуць міжнародныя арганізацыі і як будуць дзейнічаць суседнія дзяржавы.

Васіль Якавенка: Б’е набатам інерцыя чарнобыльскай безадказнасці! 

РР: Што ж, у Беларусі пабывалі ўжо тры місіі МАГАТЭ, якая, паводле статуту, не з’яўляецца “рэгулятарам мірнага атама”. Рытарычна спытаю – ці ўвайшлі ў іх справаздачы ацэнкі нашумелага падзення корпуса рэактара, іншыя аварыі, што паўтараюцца, інфармацыя пра некваліфікаваных рабочых, што працуюць?!

Васіль Якавенка: Сітуацыя больш чым недарэчная. Бо пра МАГАТЭ яшчэ ў тым жа “Набаце” пісалі, што гэта, нібы, аўтарытэтная міжнародная арганізацыя, калі ўбачыць злачынныя недахопы, тым не менш, не можа забараніць будаўніцтва. Больш таго, як адкрылася, спакойна і маўкліва назірае за няўвязкамі ў Астраўцы, атрымліваючы дывідэнды ў свой бюджэт. Значыць, мае пастаянную падтрымку ад мафіёзных розных атамных лобі. Нам застаецца чакаць калі станцыю пабудуюць – і запрацуе пасля ці не. Грамадскасць спрабавала ладзіць пікеты, узвышаць голас супраць будаўніцтва на “чарнобыльскіх шляхах”, але ведаем, што заканчвалася ўсё пасадкамі і штрафамі. Еўропа таксама чамусьці дзіўнавата-абыякава ставіцца да Астравецкай пагрозы, нібы, калі што,  да іх не дакаціцца.

РР: Тым больш, Вы, як геолаг па адукацыі, ведаеце, што будаўніцтва вядзецца на так званым геаграфічным разломе і што можа ў часе эксплуатацыі АЭС адбыцца, не скажа ніводзін акадэмік…

Васіль Якавенка: Пэўна ж! Улада, увогуле, ў грош не ставіла меркаванні вучоных, што давалі экспертныя ацэнкі “супраць” злачыннай будоўлі, паказвалі шкоду яе для Беларусі. Што зараз рабіць? Ды нічога – чакаць…

РР: Пакуль не ўзарвецца?!

Васіль Якавенка: Хіба так. А тады галаву будзем пасыпаць чарговым чарнобыльскім попелам і некага клясці. Найперш сабе…

Васіль Якавенка: Б’е набатам інерцыя чарнобыльскай безадказнасці!

Віталь Сямашка, Беларускае Радыё Рацыя
Фота аўтара
 
Наст. »
БелСаЭс «Чарнобыль»

НАВЕЙШЫЯ ПУБЛІКАЦЫІ :

Выставка фоторабот «На рубеже тысячелетия»
Брама сайта | Колькі слоў на Браме сайта


4-27.09.2018 в фотогалерее кннотеатра "Центральный" (город Минск, Республика Беларусь). Вход свободный.      ...
ОБ ИСТОКАХ И ВРЕМЕНИ ФОРМИРОВАНИЯ БЕЛОРУССКОГО ЭТНОСА
Погляд | Даследаванні


Анатоль Астапенка В статье подвергается критике концепция «древнерусской народности». Наиболее приемлемой, исторически оправданной мыслью об этногенезе белорусов, является концепция балтского происхождения. Предлогается новая парадигма, согласно которой белорусский этнос имеет тысячелетнюю...
З высокім Сьвятам!
Брама сайта | Галоўная старонка


Сяргей Панізьнік. "Сьцяг"      Сьветлым полем я нясу агнявую паласу: як маланка, нада мной зіхаціць над галавой                    Сьцяг мой вольны,                    Сьцяг мой сьмелы,                    Сьцяг мой...
Стваральнік жывых твораў
Погляд | Асоба


Яўген Гучок, паэт, публіцыст Сёлета (19.11.2016 г.) выдатнаму майстру беларускага слова, гарачаму патрыёту Беларусі, пісьменніку, сябру Саюза беларускіх пісьменнікаў Эрнесту Васільевічу Ялугіну спаўняецца 80 гадоў. Яго творчы, як і жыццёвы, шлях не...
"Вялікае сэрца" (прысвечана В.Якавенку)
Погляд | Асоба


Яўген Гучок    2 сакавіка споўнілася сорак дзён, як пайшоў у іншы свет (няма сумневу, што ў лепшы - у нябесную Беларусь) публіцыст, пісьменнік, грамадскі дзеяч Васіль Цімафеевіч Якавенка -...
Васіль Якавенка пасьпеў паставіць свой асабісты подпіс пад пэтыцыяй за гавязьнянку
Погляд | Асоба


Валер Дранчук. Слова на разьвітанне Апошні час мы стасаваліся мала. Сустракаліся выпадкова і амаль не тэлефанавалі адзін аднаму. Раней інакш. Наступальна актыўны Васіль Цімафеевіч сыпаў прапановамі, даволі часта запрашаў да сумеснай...
Увечары 22 студзеня 2018 года памёр Васіль Якавенка
Погляд | Асоба


Разьвітаньне адбудзецца 24 студзеня у рытуальнай зале мінскай Бальніцы хуткай дапамогі (Кіжаватава, 58б)  з 14:00 да 15:00. Пахаваны пісьменьнік будзе на Заходніх могілках.  ...
Выйшаў з друку новы раман вядомага пісьменніка і публіцыста В. Якавенкі «Абярэг»
КНІГІ | Навінкі


Ён прысвечаны навейшай гісторыі Рэспублікі Беларусь і асвятляе надзённыя пытанні культуры і нацыянальнага жыцця. У аснову твора пакладзены гісторыі, нявыдуманыя і пераасэнсаваныя аўтарам, падзеі і з’явы апошніх гадоў. Персанажы...
Васіль Якавенка. «Пакутны век». 2-е выданне.
КНІГІ | Нятленнае


Якавенка, В. Ц. Пакутны век : трылогія / Васіль Якавенка; 2-е выд., дапрац. - Мінск : Выд. ГА «БелСаЭС «Чарнобыль», 2009.- 896 с. ISBN 978-985-6010-30-2. Падобнага твора ў беларускай...
Матей Радзивилл: «Беларусь – очень близкая для меня страна»
Погляд | Гістарычны матыў


Об истории и современности знаменитого польско-белорусского дворянского рода Радзивиллов «Историческая правда» беседует с князем Матеем Радзивиллом. - Пан Матей, расскажите, пожалуйста, к какой ветви Радзивиллов Вы относитесь? - Все, ныне...
Сяргей Панізьнік. Палуба Калюмба
ТВОРЫ | Пісьменнік і час


  Згодна з легендай, якая ходзіць за акіянам, амерыканскі кантынент адкрыў 500 гадоў таму мораплавацель -- нехта народжаны на нашай зямлі у дзяржаве Вялікім Княстве Літоўскім. Наш зямляк, паэт Янка...
Васіль Якавенка: Б’е набатам інерцыя чарнобыльскай безадказнасці!
ДЗЯРЖАВА І МЫ | ПостЧарнобыль


Ён заўжды быў і застаецца чарнобыльцам – ад пачатку нараджэння Зоны. Дзе ў зоне ж адчужэння апынуліся яго родныя Васілевічы. Пасля былі шматлікія падарожжы па забруджаных радыяцыяй раёнах. У 1991-96...
“Крывіцкія руны - ІІ”
КНІГІ | Нятленнае


Крывіцкія руны : вып. ІІ, беларускі культурны мацярык у Латвіі. / уклад., прадм., камент. М. Казлоўскага, С. Панізьніка. - Мінск : Кнігазбор, 2017. - 452 с. ISBN 978-985-7180-05-9. У том выбраных твораў «Крывіцкія...
Глядзець вачыма будучыні
ТВОРЫ | Пісьменнік і час


Шмат гадоў назад у газеце "Голас Радзімы" (№ 50-52, 30 снежня 2004 года) была апублікавана гутарка сябра ГА "МАБ" Веранікі Панізьнік з прафесарам факультэта германістыкі і славістыкі ва ўніверсітэце канадскага горада...
БелАЭС: чаго баіцца МАГАТЭ?
ДЗЯРЖАВА І МЫ | Беларуская АЭС


Астравецкая АЭС цалкам адпавядае стандартам МАГАТЭ, сцвярджае афіцыйны Менск. Са справаздачаў экспертных місіяў гэтай арганізацыі ў Беларусь, аднак, вынікае іншае. На думку агенцтва, Дзяржатамнагляд Беларусі - няздольны забяспечыць бяспеку...
Ярослав Романчук: Беларусь медленно, но верно избавляется от нефтяного проклятья
ДЗЯРЖАВА І МЫ | Экалогія


Конфликт с Россией вокруг цены на энергоресурсы избавит Беларусь от нефтяного проклятья и, если не помешает АЭС, вынудит инвестировать в зеленую экономику и в развитие возобновляемых источников энергии. Как заявил...
Joomla! Ukraine

КОЛЬКІ СЛОЎ НА БРАМЕ САЙТА :

Выставка фоторабот «На рубеже тысячелетия»
|


4-27.09.2018 в фотогалерее кннотеатра "Центральный" (город Минск, Республика Беларусь). Вход свободный.      ...
Народ і нацыя: Колькі слоў на Браме сайта
|


Шаноўныя, перад вамі спроба адкрытай і шчырай размовы пра найбольш важнае і надзённае, што даўно паўстала і востра стаіць перад нашым народам, цяпер — асабліва, — ратаваць сябе ў супольнасці, у суладдзі, берагчы і развіваць творчы дух народа і нацыі. Я ведаю, што гэтыя словы і тое, што за імі стаіць, дойдзе далёка не да кожнага розуму,...
Інстытут Нацыянальнай Памяці (ІНП)
|


Памяць народа – перадумова для далейшага яго развіцця ў грамадзянскай супольнасці і выканання ім ролі крыніцы ўлады і крыніцы дзяржаўнасці. Інстытут Нацыянальнай Памяці (ІНП) ёсць грамадзянская ініцыятыва па выяўленні і раскрыцці найвыдатнейшых старонак беларускай гісторыі, абароне этнакультурных каштоўнасцей і выкрыцці злачынстваў супраць свайго народа, калі б яны ні былі ўчыненыя. Ніжэй прыводзяцца і іншыя вытрымкі з палажэння Аргкамітэта...
Joomla! Ukraine

Новыя каментары :

КОЛЬКАСЦЬ ПРАЧЫТАНЫХ СТАРОНАК 
з 1 снежня 2009 года

КОЛЬКАСЦЬ НАВЕДВАЛЬНІКАЎ САЙТА 
mod_vvisit_counter Сёння 278
mod_vvisit_counter Учора 821
mod_vvisit_counter На гэтым тыдні 2017
mod_vvisit_counter У гэтым месяцы 10802
Каталог TUT.BY